Read Ninia Yali MAZMUR 24 Bible Online

MAZMUR 24 - Ninia Yali bible

MAZMUR 24

¹ Daud Asuni. Kwenang inim di angge su angge kwenang ilonggoma yohwareg wereg angge inim aire TUHAN angge neg, kwenang inim it kwenangma suma enoluk wereg on etma TUHAN angge neg.

²Kwenang ai oboule re Aren ik laut emberimmu fesi, ne ik ahum mun yatdeg on fam de unduhuk fesi.

³At TUHAN Anduk[17] fam etma ap sa en lahaik la alereg, ne ap sa en At Obam wirigmu etma kwik la alereg?

⁴ Ap homi enobabut fam inim enenda wenggelduk on fam inim kwasikdoho duk eleg angge wereg on mel, it enele fam hesangge hombuk baloho uruk eleg on mel, it kembu apne wauk eleg on mel neg.

⁵Ap aireg on ai neg de At Allah en fanoap debelug ahap wendaruk alereg, ne At Allah en oho ap su siag disi fug on uk alereg.

⁶Ap homi At Allah olohotma waharuk on mel, at Yakub akni Allah ai apne waul ulug waharuk on mel aire airoho neg atuk kamuhup.

⁷Sok mining on ai ele humdoho husi feiyek, At raja alongdeg on ai kwik wamagdoho.

⁸Raja alongdeg wereg on aire ebe sa? Aire At TUHAN mun andung-dang wereg on; TUHAN omamne humon, obam lik-louk deg lit dog yapuk on anyo.

⁹At Raja alongdoho wereg on ai kwik wamagdohore, sok mining on ai ele humdoho husi feiyek.

¹⁰Raja alongdeg wereg on ai ebere sa? TUHAN Mun Omamne wereg on, ai neg raja alongdeg wereg anyo.