Read Ninia Yali MAZMUR 3 Bible Online

MAZMUR 3 - Ninia Yali bible

MAZMUR 3

¹ At Daud amloho Absalom anyo en mug hauk en akol en lebagdeg suni ebag ale.

²TUHAN nakni, ap homi an mug naplug waharuk on mun hum-ham alereg, it an nowarukoho duruk on de mun anggolo alereg!

³It foma enebe humdoho en uruk kwit de, Allah en at let duk fug alereg uruk.

⁴Famen de TUHAN nakni, we Hat neg de an nalong bal-napuk kahen on welahen. Haren an nalongap nobahakeg, nenda humap nobahakeg, napuk kahen.

⁵An den TUHAN hweag-utuk mu re, Arende Anduk mun amu enegma[3] etmano en onggo hweag-nutuk.

⁶At TUHAN enggik en aho nusug lit wereg ma re, an nebe nobam lombukdoho yinggoho noholug noluk inatuk kahi.

⁷It ap homi an naselei on enebe hum hamdoho deg lit, nombandu foma-foma en nim, nalukwe nambol fil en nim maseroho kwelap-nabik waharuk famen de, an den it fahet nakol enepuk kahi fug.

⁸TUHAN Allah nakni o, it ap an naselei on etma re Haren yeik fulamberoho enowatlug unggum enobam feselug, an neg de nahap wendat-nabik ma.

⁹TUHAN nakni, we Hat fam en neg nit let-nenebik waharuk kahenma re, we Hat henda fano en it Homaliki enobam fanoap debesein.