Read Ninia Yali MAZMUR 4 Bible Online

MAZMUR 4 - Ninia Yali bible

MAZMUR 4

¹Ap homi en suni wilibi folug binggong kecapi watuk kweleg enebe seberoho urukmu melal-enepuk on fahet. Daud asuni su.

²Nakni Allah, an nili og-napuk on de Hat neg welahenma; an den Hat hwi hapuk halug de hele onggo fag neakin. An nenda sugsagdoho wereg ma re Haren neg let-napuk kahenma re; ketiare an den somban uruk kahi on su hesanggo hole folug de an henda neakin.

³Yaho, hit ap homi en de Allah unuk neg sebeloho foruk men de ke huli airoho neg duruk kwit welamluhup? Kea li em hiren we hesangge on fahet neg henenda hundig deheg, demdoho fug on fahet mutlug laheg, duruk kwit neg welamluhup?

⁴Hit henoluk amag, At TUHAN en de At onggwareg fahet, ap Aren enda hundig boruk on eke momaloho fahat dasi. An den At fam nele hweag-utuk halug de, At TUHAN en esanggo hol napuk.

⁵ Henekol en henowag elek duruk kamek ne siag eke nim dil lauk kam fug. Hit henebe nohorukmu yinggig lit de, henele uk fug angge bik-bok wereg lit henendama en neg bilingguruk kwit ebetuk kamek.

⁶TUHAN obahet fano angge neg feseik watlug henenda TUHAN fam neg dip-deberuk kamek.

⁷Ap homi humdoho en hein og-og atuk kwit de, “Ap san nit fanoap nenobahamisi?” ulug uruk men de we Haren neg nit fahet hendama hahayeg beiyug, TUHAN nakni.

⁸Ap homi en enangge anggen yihig bal-dauk kwit enendama enahayeg duruk on aire maben hag famen de, an de nendama Haren mun nahayeg humon kwelabe nobaharuk kahen.

⁹TUHAN nakni, we Haren neg an nebe nakol eleg angge nambong seroho welamag ulug nobaharuk kahenma re, ai fam an nebe ying-atlug nanoho mun homogdoho nohoruk kahi!