Read Ninia Yali MAZMUR 43 Bible Online

MAZMUR 43 - Ninia Yali bible

MAZMUR 43

¹Nakni Allah, Haren katukdoho neg duruk kahen on anyo fam an airoho nobahain, an oho nangge on eta fahet it ap homi enunggul unuk wene melaleg sahalduk on au fam en minggit-nimin. Ne it ap siag deheg, seiale wene eheg duruk on oma fam en loloho nobahain.

²An nalong bal napuk on Allah we Hat hamu neg welahen, nunggwelug Haren an lin neauk kahen? It an naselei on en sebel nusug lit neg wereg ma, nunggwelug an anggin hauk kwit neg welatmin?

³Airoho nobahakun fam an nebe Hat handuk Mun Eneg[25] on Sion anyo fam mel, ne Hat hobam hebe welahenma etmano mel, sombandoho lahuk en de, Haren an nobam dipdoho neg napuk kahen ale ai fam, an selehap nobahakeg, melale nobahakeg duruk ale ename fein.

⁴Ai fam de an Hat hobahet waroho yalduk angge mezbah wereg ma etmano, At Allah an nahayehap napuk on indip wereg ma anyo lahuk. Etman de an den nakni Allah anyo Hobahet, suni eheg, binggong kecapi wareheg, duruk kwit Allah Hat mot-hapuk karuhuk.

⁵Nunggwelug an nenda su fituk kwit hesilduk katmin ahi? An de we At Allah fam neg nenda ebereg welaik, ai fam de an den nakni Allah nahap wendat napuk on ai fam, ekenim dang duruk karuhuk.