Read Ninia Yali MAZMUR 46 Bible Online

MAZMUR 46 - Ninia Yali bible

MAZMUR 46

¹It enunggul unuk Korah on enasuni. Ap homi en suni wilibi folug enebe ambine urukmu melal-enepuk on fahet, suni unggul unuk Alamot fene ai.

²At Allah aire nit nenalong bale nenobahakeg, nit nenomamne og-neseheg duruk on wereg. Nit nenobam anggindoho wereg ma re Aren duk ale neg deg ma let-nenepmin ulug fouk deg lit neg wereg.

³Ai fam de kwenang su mundoho elek duhu famen oho, ne dom-dom mundoho ik laut ahummu erahamu obuk ik wambuhu famen oho;

⁴ik laut ahum funag lenggag angge duruk kwit ele fu uruk karuhu famen, ne duk-duk ik en warik waharukmu elek duruk karuhu famen oho, nit de nenakol nenebuhu fug.

⁵At Allah obam kota, Allah Mun Leho wereg on anyo wereg ma etma, ik misig eke hwaloho wirig atuk on en enahayehap deberuk.

⁶At Allah ebe etma wereg ma re o kota ai sebe fesehup fug; o sekandilak deg kweleg Aren o ai let duhu.

⁷Allah en ele ululu sipuk esaukmu re, kwenang erap-ferapdoho eleg atuk; di enunggul unuk su enunggul unuk en youk dulug enowag elek duruk, di kerajaan su kerajaan etmano mundoho sebel ail lauk.

⁸TUHAN Omamne wereg on aire nit nininim wereg, Yakub akni Allah aire nit nenalong bal-nenusug wereg.

⁹TUHAN en o kwenangma suma waldoho febag anggere mundoho nik alereg; Aren duruk ale suma ha manik!

¹⁰Ap homi o kwenangma suma weim yapukmu Aren neg bale foruk, sehen inim, inggisim inim, Aren welelenggen deberuk, dog bei angge abung-abang on etmano re Aren han yalduk.

¹¹Aren uruk kwit de, “Weim yapuk ale bale feiyek, furebeyek, An su re Allah anyo; An de di ap homi su ap homi enesahalimu nandung-dang welahi on anyo, ne o kwenangma suma ohore An neg andung-dang welahi,” Ulug isi.

¹²TUHAN Mun Omamne wereg on aire nit nininim wereg, At Yakub akni Allah aire nit nenalong bal-nenusug wereg.