Read Ninia Yali MAZMUR 47 Bible Online

MAZMUR 47 - Ninia Yali bible

MAZMUR 47

¹It enunggul unuk Korah on enasuni. Ap homi en suni wilibi folug enele ambine urukmu melal-enepuk on fahet.

²TUHAN Mun Leho wereg on aire mun fulu bolan on wereg ma re nenekole! At ebe re Raja Leho on o kwenangma suma sebeleg wereg ma re,

³Yaho, hit ap homi enunggul unuk enunggul unuk anyo, henahayeg duruk kwit henenggik dag diek! Henawonog fam At Allah mot-diek!

⁴Aren neg ap homi enunggul unuk amu on enenggik fam en nit nenalonge nenobaharuk, niren ap homi enunggul unuk amu on etmano sebel enusug welamag ulug nenobaharuk.

⁵Aren de nit fahet nenanggwenang sen dalug lamuhuk on eneko fesi, aire it ap homi enunggul unuk Aren enda hundig enepuk on anyo enahayeg angge hag debesebag.

⁶Ap homi amitmit sup uruk kwit bohweap fureheg, duruk kweleg, At Allah re ebe takhta fam hweria aik laharuk.

⁷At Allah obahet suni motdeg suni iek, nit nenakni raja ai fahet suni motdeg suni wilibiek!

⁸Allah aire ap homi mundoho kwenangma suma wereg on fahet deg ma re, suni indip-indip on etma wilipuk kwit At neg mot-diek!

⁹At Allah ebere takhta mun eneg on anyo fam hwerieg wereg lit; Aren ap homi enunggul unuk domog etmano melal-enepuk.

¹⁰Nit nenomba Abraham en apne wauk katfag on Allah anyo omaliki welahereg ulug, it ap yain-kain enunggul unuk domog melal-enepuk on etmano misig seberuruk, At Allah aire di ap su ap di kain su kain sebeleg kweleg At neg raja leho on wereg, At de kain humon leho wereg.