Read Ninia Yali MAZMUR 54 Bible Online

MAZMUR 54 - Ninia Yali bible

MAZMUR 54

¹Ap homi en suni wilibi folug binggong kecapi watuk kweleg enebe ambine urukmu melal-enepuk on fahet.

² At Daud ebe “Nit nenobam suma heraho wereg” ulug it ap homi Zif on Saul akit lausareg hweag-irik lausama wereg lit Daud en melal-enepsi asuni.

³Nakni Allah o, Hat Homamne anyo fam an nahap wendare nobahain, ne Hat hanye welahen ai fam de an katukdoho neg nobahain.

⁴Nakni Allah an den heng-hapuk kahi on ai hesanggo hol nabin, Henda fano en an nele uruk kahi on ai fubi nobahain.

⁵It ap bog enap etman an nowarukoho duruk, ne ap homi enawonog on etman an nal neakoho duruk, ne iren de Allah fahet diroho suroho ulug mel bouk fug angge duruk,

⁶famen de At Allah re an let napuk on wereg, TUHAN aire an nili og-napuk on wereg.

⁷At de an nobahet dipdoho neg durukmu re, Aren it naselei on etma it enonggwareg enesiag fam unggum enobam feselug enebe mun elehapdoho fesehu.

⁸TUHAN nakni, Hat de mun fano on deg lahenma, an nenda fano en Hat hobahet wam waroho og-hereheg, ne Hat hebe dang-habeheg, duruk karuhuk.

⁹An nebe anggoloroho wereg kweleg Haren neg an loloho nobaharihin, Haren neg an naselei on etmano enalong elehapdoho feserukmu nil hauihik.