Read Ninia Yali MAZMUR 6 Bible Online

MAZMUR 6 - Ninia Yali bible

MAZMUR 6

¹Ap homi en suni wilibi folug binggong kecapi watuk kweleg enebe seberoho urukmu melal-enepuk on fahet, suni ligin on anyo muko uruk on, Daud asuni anyo.

² TUHAN nakni an de Hat henda holok fam yeik nowaruk fug, ne horohole ahe fam unggum og-nom fug.

³Nakni TUHAN, an de nomamne mundoho eleg aha ma Henda neakin, an mundoho nong-hong il lauk kahireg de nomamneap nobahain.

⁴Nendama mundoho nong-hong uruk en de, Nakni TUHAN ke huli nobahalug welaruhun?

⁵TUHAN, sombandoho nakit watlug de, Hat henda hundig fam lisoho wilibi nobahakeg, nahap wendare nobahakeg, din.

⁶Ap waratlug laukmu etman de ap homi Hat ebet hea fug alereg; ne ap filik sale feserukmu etman de ap homi en eke Hat mot-habuk fug alereg.

⁷An den hundig ikwam neg duruk men de nebe mundoho lilipna napuk; hup hundig-handig omano noba neg yag dauk men de nilue wamburuk kwit de nohoruk kahi angge etano kulureberuk kahi.

⁸Nenda hesilduk kwit de nil mundoho mum-mam uruk; ne it naselei on etmano fahet de nil mundoho mep sahaloho ouk duruk.

⁹ An den oba yatuk kahi on de At TUHAN en mundoho esanggo holeheikma re, hit ap siag duruk kahep on etma re mundoho longgo ik lakiek.

¹⁰At TUHAN en de an den nele heng uruk kahi on mel hole nobahakeg, ne an den somban uruk kahi on weheg, duruk.

¹¹It an naselei on mundoho re youk lahupdeg de mundoho enenggali en de, folo-folo hihil aik lalug de nik neng uruk kamuhup.