Read Ninia Yali MAZMUR 63 Bible Online

MAZMUR 63 - Ninia Yali bible

MAZMUR 63

¹ At Daud Asuni, ebe o Yehuda leimu etma wereg lit ebag on.

²Nakni Allah, an nakni Allah re Hat hamu neg welahenma, an den Hat hera habeheg, nenda fuen ebet habeheg, duruk kahi. Kwenang ik eleg angge iringgig wereg anyo hag, an den oho Hat hobahet nenda mun ahe napukmu welahi.

³Hat hebe Hobam wirigmu etmano wereg ma an den nil fu heeheg, ne Hat homamne welahen ale nim, hanggiluk welahen ale inim kumu heeheg, duruk karuhuk.

⁴Nenoluk welahe aire maben hag famen de Haren henda hundig nenepuk kahen on ai neg de mun alongdoho deg, ai fam de an den Hat mot-hapuk kahi.

⁵An nebe noluk welaruhuk huli etma Hat hobam neg dang hapuk karuhuk; ne Hat hobam nenggik lahabeg lit somban uruk karuhuk.

⁶Sei angge dungdoho nauk anyo hag, Haren an nendama homo nobaharuk kahen ai fam, an nahayeg en nawonog atuk kwit Hat mot-hapuk kahi.

⁷Nebe nohoruk kahimu yinggig lit de Hat hobam neg ebet heauk kahi, hup hundig etma re Hat hobahet meneni yatdoho wenggel-hapuk kahi.

⁸We Haren neg an let napihin ai fam de; An nebe Hat hahwerabul apma sambunig wereg lit nahayegdoho suni uruk kahi.

⁹Hat henggik en an aho nusug lahen, ne an den de Hat henggik omako bug-bagdoho sen husug lahi.

¹⁰Famen de ap homi an nowarukoho duruk on de, ap homi waratlug wambik laukmu etma wambik lahup.

¹¹It enebe re dog yapukmu etma waramuhupmu re, enebe re olomene hag angge en nauk angge amuhup.

¹²At raja re At Allah en let duruk ai fam ahayeg hauk karuhu; ap homi At Allah unuk fam hombuk balduk on de enawonog atuk kamuhup famen de it ap homi enembilik fam seiale on neg uruk on de enambilik lare fesehup.