Read Ninia Yali MAZMUR 64 Bible Online

MAZMUR 64 - Ninia Yali bible

MAZMUR 64

¹Ap homi en suni wilibi folug enebe ambine urukmu melal-enepuk on fahet, at Daud asuni.

²Nakni Allah, an nebe fam anggindoho wereg lit somban uruk kahi on ai hesanggo holin; it naselei on mun nakol on etma enenggik fam en nahap wendare nobahain.

³Ap homi siag duruk on etman enele misig maho folug dik waharuk on etma fam en nim, ap enalok on etman wene enamenggel ale neg maho folug durukmu etma fam en nim nalong bale nobahain.

⁴It enambilik anggen de karog enggat maho etano hag deberuk, ne enele hape fam wilibi feik waharuk on de dog hag leheik waharuk.

⁵It enebe herahoma wereg lit de wene enele seiale on saharik waharuk; ne enakol ha fug anggere ap siag duruk eleg on fahet unuk siahap-biahapdoho foruk.

⁶Ite enendama enolok fam duhuk ale ulug wenggelduk on bugdoho foroho lit duruk, ne iren boruk kwit de ap homi en eke nesauk fug ulug de, kean sabu yepdoho foul ulug enele misig matuk.

⁷Iren neg siag neg duhuk ale ulug abug balduk kwit de, diroho uruk, “Niren wene balduk kahe on aire mun nenamenggeldoho on balduk kahe.” Uruk. Ap homi enenda inim wenggelduk indip inim aire mun yatdeg ma re, ap homi enamoho kumu ha fug alereg.

⁸Famen de At Allah en andog it enobam bising esa laukmu re, it ap fetagdoho neg dog en enahab bal-aik lauk.

⁹It enonggwareg enele uruk fam enebe eleg atil lauk; it mundoho en enesauk on en de yande enepuk kwit enunggul kwal duruk.

¹⁰Airoho dulug ap homi mundoho enakol neg atuk; iren de At Allah en duruk ale anyo ebereheg, ne Aren duruk ale anyo fag-dik laheg duruk.

¹¹Ai fam de ap homi fano neg duruk on de At TUHAN en duruk on ai fam enahayeg hauk kamuhup. Ne it ap homi en bekitdoho neg duruk on de enawonog atuk kamuhup, it enebe re At fam neg enalong baleg welamuhup.