Read Ninia Yali MAZMUR 67 Bible Online

MAZMUR 67 - Ninia Yali bible

MAZMUR 67

¹Ap homi en suni wilibi folug binggong kecapi watuk kweleg enebe ambine urukmu melal-enepuk on fahet. Suni ai.

²We At Allah en neg nit enda hundig nenebeheg, nenebe fanoap nenobahakeg, duruk kamag, ne At endalegdoho deg lit nit fam il fu-nesauk kamag.

³Nakni Allah, Hat henda hahayeg boruk kahen ale ai ap homi o kwenangma suman mundoho enoluk atuk kamag, ne Haren nenahap wendat-nenepuk kahen ale ai ap homi enunggul unuk-enunggul unuk wereg kwe etmano unug esauk kamin.

⁴Nakni Allah, it di ap homi su ap homi etman we Hat neg mot-hapuk kamag, ne it ap enunggul unuk-enunggul unuk wereg on etman Hat neg dang hapuk kamag.

⁵Haren mun katukdoho neg melal-enebeheg, ne it enunggul unuk domog o kwenangma wereg on anyo hwale-feseheg, duruk kahen ai fam de, it ap homi enunggul unuk-enap etman enawonog fam enahayeg duruk kamag, ne enenda enahayeg fam de suni uruk kamag.

⁶TUHAN nakni, it enunggul unuk enap etma we Hat neg mot-hapuk kamag, ne it ap enunggul unuk-enunggul unuk wereg on etman hat neg dang hapuk kamag.

⁷Allah, nit nenakni Allah anyo en nit nenobam fanoap nenobahasi fam de, nit nenanggwenang fam en anggen yihig wereg atsi.

⁸At Allah en nit fam fanoap nenobaharukmu re, o kwenangma suma mundoho en At neg along bolug leho foruk kamag!