Read Ninia Yali MAZMUR 70 Bible Online

MAZMUR 70 - Ninia Yali bible

MAZMUR 70

¹Ap homi en suni wilibi folug enebe ambine urukmu melal-enepuk on fahet. At Daud en wam enda eberoho ulug waroho feik waharuk kwit ebag on.

²Nakni Allah haren an nahap wendat-nabin, TUHAN, an folo-foloroho an let nabik ma!

³It ap nowarukoho lit enenda boruk on etma re, enalong eleg atlug, enenda nong-hong heye lowag. It ap homi an nebe nong-hongdoho deg ma inil nealug kuk saloho belap napuk on etma re, it enowaroho heye monde-feserukmu enebe sebeleg on amag.

⁴It ap homi an unda yag napuk on etma, enebe youk lalug enenggali amag.

⁵It ap homi Hat hapne wauk on etma, enahayeg en enawonog dukwag. Ne, it ap homi mundoho Haren enahap wendat-enepuk kahen on anyo fam enenda hundig boruk on etman, hundig-handig enele fam uruk kwit, “TUHAN aire mun fulu-bolan deg!” Uruk kamag.

⁶Nakni Allah an de mundoho nenggik eleg lit nomamne elegdoho welahimu re, Hat hebe folo-folo ma, TUHAN nakni, Hat de an let-nabeheg, nahap wendat nabeheg, duruk on deg lahenma re, anunu ale duk fug.