Read Ninia Yali MAZMUR 76 Bible Online

MAZMUR 76 - Ninia Yali bible

MAZMUR 76

¹Ap homi en suni wilibi folug binggong kecapi kong-duruk kweleg enebe ambine urukmu melal-enepuk on fahet. Suni Asaf Asuni.

²At Allah re it ap homi Yehuda on wereg ma etma mundoho enoluk deg; At unuk de it ap homi Israel on wereg ma etma bogdeg wereg.

³At obam de Yerusalem wereg, ne At ebe wereg ma re Duk Sion fam etma.

⁴Etman de ap homi en dog yapuk angge etmano luluhun esauk, dog angge mun beik-beik angge duruk on mel, dog beiyal angge mel, karog mel, mundoho luluhun esauk.

⁵Hat de mundoho hanggiluk wereg on welahen, mun hambogbagdeg ma re, dom-dom atam walhilmu welatfag on etma sebeleg kweleg mun alongdeg on welahen.

⁶Ap mun enembong se on etmano re mundoho del dausa; ite mundoho nohousa ma re enoluk inam fug alereg. It ap sehen anggen enap ilil mulil deg enap etmano oho re, it enomamne mundoho eleg atsi.

⁷At Yakub akni Allah nenakni, It ap no kuda fam lahalug weim abik lauk on mel, kuda ebe mel, oho re, Hat hele bererag en de it mundoho waratswa.

⁸Hat de mun bolan alereg lahen! Haren bet-enepukmu re ap sa hag angge en hambuk halug holeg welam alereg? Mun eleg.

⁹Hat hebe bohol fam en wene kongdoho uruk kahen ale ename forukmu re, kwenangma on de enakol en bik-bok wereg.

¹⁰Ap homi o kwenangma suma sebeloho feserukmu wereg on etmano Haren enahap wendar enebikoho, Hebe feiyalug inatuk kwit wene katukdoho balin.

¹¹Ap homi mun enolok leiyareg on ohore Hat mot-hapuk kamuhup, ne it enolok atlug wereg on ohore fong waroho ulug belahi sum lahabe folug welamuhup.

¹²Hiren henakni TUHAN Allah fam hene sali wat-utuhup on anyo dip-debeyek. It ap homi enunggul unuk-enunggul unuk o horog kwe wereg on At Allah ap homi en enakol duruk on ai fahet walug og-irik manik.

¹³It ap enalong wereg lit melal-enepuk on omano Aren neg enenda sireberuk, At olohotma re it ap raja oho enowag elek duruk.