Read Ninia Yali MAZMUR 8 Bible Online

MAZMUR 8 - Ninia Yali bible

MAZMUR 8

¹Ap homi en suni wilibi folug enebe seberoho urukmu melal-enepuk on fahet, at Gitit asuni feneroho re Daud en ebag suni anyo.

²Nenakni TUHAN Allah, Hat homamne welahen alere o kwenangma suma hunuk mun bogdeg wereg! Ne Hat Handung-dang welahen alere o bohol emberimmu etma dahandoho mun leho wereg ulug,

³ it omalik doron en nim it omalik fou on en nim hamot suni uruk. Hat hebe leho on wereg lit melal-nenepuk kahen on aire mun elek duk fug angge wirik lele wareg lahen ai fam de, it Haselei on mel, it Haweim on mel it enambilik lare feseruk kahen.

⁴O bohol Haren waldoho ferihin on au mel, bigalem, sohwalanggen mel Haren erat heheg ferihin on etma mel, an den nil fu enusug lit de,

⁵ ap homi aire nangginig on hag deg en, Haren furebeseruk kahen; Ap homi aire ap homi at deg ma, nangginig on deg en Haren fano fahat-enusug lahen?

⁶Embeselenman fano famen de, Haren Allah[7] higitdeg leho ferihindeg Haren it ap homi enunuk bogdeg lit mun leho welamag ulug debeserihin,

⁷ Haren di angge su angge waldoho ferihin angge omano mel, di on su on mundoho wereg on etmano mel, hwalduk kamag ulug it enapma feseheg, debeserihin.

⁸Domba, sapi wam endetuk angge amu on etmano mel, di on su on o lei kwe wereg on etmano mundoho mel,

⁹di suwe su suwe mel, di i ikan su ikan mel, it di on su on ik laut ahum apma etma enoluk wereg angge etmano mel, mundoho enapma feserihin.

¹⁰TUHAN, Hat de nit nenakni TUHAN welahen, ne Hat handung-dang welahen ale aire o kwenangma suma mundoho leho sahareg wereg!