Read Ninia Yali MAZMUR 82 Bible Online

MAZMUR 82 - Ninia Yali bible

MAZMUR 82

¹Asaf Asuni. At Allah en boholma etma wene it lehoma wereg on nim kabog-dusareg de, Aren wene diroho kongdoho unduhuk fesi:

²“Hiren hwenaroho fam wene katukdoho kong-duruk kahe ulug duk fug, ne hiren de ap siag duruk on inibil am fug.

³omalik wetien on nim ap homi enonggwareg da fug alereg on nim inibil atlug inili og-enepuk kamek, it ap enenggik eleg on mel, anggoloroho wereg on mel fam katukdoho neg debeseruk kamek.

⁴It ap homi enomamne eleg on mel, enonggwareg en da fug alereg on mel, loloho wilibi feseruk kamek, it aireg on ai ap homi enolok on enenggikmen deloho wilibi feseyek.

⁵Hit de di ale su ale mundoho henapelegdoho mun morue atuhupdeg nong-hong uruhup on welahep, hit duruk kahep fam de it ap homi di duruk su duruk on ulug wene melaleg wereg on anyo naleg-halegdoho deg.

⁶ An den hit henobam uruk kahi ai, hit de mun lehoma on welahep, hit de At Allah ebe Mun Leho wereg on anyo omaliki welahep.

⁷Famen de hit oho ap homi on waratuk hagdoho hiroho waramuhup, it ap yain-kain waratil lauk hagdoho hiroho warail lahup,” ulug unduhuk fesi.

⁸Nenakni Allah, ap homi di enunggul unuk su enunggul unuk etma re Hat honggwareg en on neg deg lahenma re, Hat hebe watlug o kwenangma wereg enap suma enawene bilonggoho ayo wiroho en-enebik ma.