Read Ninia Yali MAZMUR 87 Bible Online

MAZMUR 87 - Ninia Yali bible

MAZMUR 87

¹Suni misig, it enunggul unuk Korah on en suni wilipuk katfag on. At TUHAN en de obam kota Anduk mun amu eneg on[45] fam witsi.

²It ap homi Israel on wereg kwe o kota etma abirangge en de, Yerusalem neg de Aren mun enda hundig deg ma.

³Allah obam kota hesanggo holin, Hat hobahet de Aren mun fulu laleg ale uruk anggere:

⁴“An den de it Mesir inim, Babel inim de ap homi di enunggul unuk su enunggul unuk en An nele holoho duruk on, enunuk lisu baloho wereg on anyo fam kwelabe fohuk. It Filistea mel, Tirus, Sudan mel, ohore, it ap homi Yerusalem wereg on wenaho on anyo fam kwik lahup,” ulug uruk.

⁵Ap en o Sion fahet uruk kwit de, it di enunggul unuk su enunggul unuk aire at apma welamuhup on, ne At Mun Leho Wereg on anyo en de at ekenim omamneap debehu.

⁶At TUHAN en de it ap homi enunggul unuk domog anyo, it ap homi Yerusalem on enunuk baleg wereg on fam kwelabe fohu.

⁷Iren de suni wilibi folug mulug duruk kwit de, “An nobam indipmu re Sion ai.” Uruk kamuhup.