Read Ninia Yali MAZMUR 93 Bible Online

MAZMUR 93 - Ninia Yali bible

MAZMUR 93

¹TUHAN aire ebe raja wereg; At ebe fam asum hagdoho re andung-dang inim omamne inim labulig wereg. Kwenang de mundoho hambuk lele waroho unduhukmu re elek-felek uk fug alereg.

²Takhta Hat hebe hwerieg welahenma etma re o wal-hilmen angge mundoho omamnereg wereg, ne Hat hebere endam welatihin, welahen, welaruhun.

³TUHAN nakni, ik yenggeleg on il apma erahamu en de ele matuk kwit neg wereg, ik laut yahamag deg on anyo re ele ulung-ulung uruk kwit-wauk kwit neg wereg.

⁴Famen de ik laut ahum elman ele matuk kwit neg wereg on ai mel ik ahum il omamne angge funag-lenggag angge dik waharuk on ai mel, de horog hareg famen de At TUHAN o boholma along wereg on anyo neg de omamne nik alereg lit ha fug deg.

⁵TUHAN nakni, Hat hawene melaleg aire eitog mundoho welaruhu, ne Hat Hobam ai ohore li mundoho-mundoho etma fam amu eneg neg welaruhu.