Read Ninia Yali MAZMUR 98 Bible Online

MAZMUR 98 - Ninia Yali bible

MAZMUR 98

¹Suni. At TUHAN en di on su on mun fulu bolan ale duruk on ai fam, At obahet suni keron iek! At onggwareg along wereg lit omamne wereg anyo fam de, At ebe along atsi.

²At TUHAN en de At along atsi ale anyo fahet fag-duruk, It ap homi enunggul unuk-enunggul unuk wereg on omano en Aren katukdoho neg duruk ale anyo enoluk amag ulug ename feseruk.

³At omaliki it ap homi Israel on fam enda hundig enebeheg, dipdoho debeseheg, duruk katsi ale anyo fahet wenggeleg laruhu. Nit nenakni Allah ai along atsi alere it ap homi o kwenangma suma wereg on abirangge en, inil mundoho hauk.

⁴Yaho hit ap homi mundoho o kwenangma suma welahep on, At TUHAN obahet henahayeg en henawonog diek! Hiren henahayeg duruk kwit suni eheg duruk kwit At TUHAN mot-diek.

⁵Hiren henambinggong kecapi kong-duruk kwit, At TUHAN obahet suni motdeg suni iek.

⁶Hiren bohweap trompet fureheg, binggong ngureheg, duruk kwit nit nenakni Raja TUHAN anyo fahet henawonog diek.

⁷Ik laut inim ik ahummu etma wereg angge etma oho enaplohok neg ukwag, ne kwenang inim ne it kwenang emberimmu wereg on etma oho enaplohok neg ukwag.

⁸Ik wirig atuk on etma oho enenggik dag duruk kamag, ne dom-dom etma At TUHAN olohotman enawonog en dukwag.

⁹At TUHAN ebere ap homi o kwenangma wereg on enawene bilinggi folug ayo wiroho en-enebuhuk ulug waharukmu re; Aren ap homi enunggul unuk-enunggul unuk anyo katukdoho neg demdoho ayo wit-enebuhu.