Read Ninia Yali YESAYA 20 Bible Online

YESAYA 20 - Ninia Yali bible

YESAYA 20

¹Raja Asyur on Sargon anyo ele mingming fam de tentara Asyur on de o kota Filistin fam en o unuk Asdod bin kwik watfag.

²Ai am fug kweleg tahun henahan welatfag on eta fam TUHAN en Yesaya hun Amos amloho anyo fam de sum karung on mel eyog het deg angge mel wan deg on eta nonggoloho foukwag ulug hweag-etfag. Ma re aren holoho debagdeg de asum mel eyog ahut mel het deg eleg angge lauk katfag.

³Ne, kota Asdod anyo huk debagdeg duruk li re TUHAN en uruk kwit, “An namingming angge Yesaya re tahun henahan hunduko asum wan deg eleg eyog ahut mel wandeg eleg angge wereg. Aire o Mesir nim Sudan nim fam aruhu ale fahet eneg ale ai.

⁴Raja Asyur on en de o kwenang biren eta fam ap homi etma sabu het eneplug sebeloho fesehureg de it enebe re enabuluke kohouk angge lit eneplug lahu. Sobal on nim sauwe on nim mundoho re enasum eleg angge eneyog ahut het deg eleg angge enanggulu enam-enam o Mesir on horogap enepuk kwit eneg angge airoho lahup.

⁵Ap homi Sudan fam dimireg on mel Mesir fahet enawonog atuk on mel enenda hesiluhupdeg it enenda ebereg wereg anyo siag aruhu.

⁶Eta li em de ap homi ik elan kwe wereg on en uruk kwit, ‘Raja Asyur on fam nit nenalong baleg welamag ulug unggul unuk ai fam dimireg welahe on anyo hakiek. Nit de nenehap wendat am fug ale aha’ uruk kamuhup”.