Read Ninia Yali YEREMIA 45 Bible Online

YEREMIA 45 - Ninia Yali bible

YEREMIA 45

¹ Hun Yosia amloho Yoyakim anyo Yehuda fam melal-enepuk men neg de tahun ohwaneg on deg li em, at Barukh en de an den nele fam hweag-utuk kweleg lisu balsi. Ai en de an den at fam wene

²TUHAN Allah Israel on enakni anyo en isi ale fahet hweag-itihik. TUHAN en uruk kwit, “Barukh,

³haren de diroho hele ngururuk kahen, ‘Yehei, an su re we mundoho nal atuk kahi! An den anggin hauk kahi ale hum deg, ne TUHAN en de ouk on eke nim dopno debesi. An den ngururuk kwit neg weregman de mundoho nobam lele napukmu re an nobam hambukdoho wereg ale eke deg fug’ uruk kahen.

⁴Barukh ao! An TUHAN en de wiri ferihik on omano moluluk duruk kahi, ne yatihik on omano henetuk kahi. O kwenangma abirangge fam de airoho neg debesehuk.

⁵Nunggwelug hat de an olohoream nobahalep ulug duruk kahen? Airoho duruk eleg, Barukh nare! Ap homi mundoho re An den anggin on fam unggum og-esahuk, famen hat hobahet neg de hahap wendat aruhun on hag deg. Hat di kwe su kwe laukmu re holuk welaruhun neg. Ulug An TUHAN en nele mundoho ihi isi” ulug hweag-itihik.