Read Ninia Yali AMOS 9 Bible Online

AMOS 9 - Ninia Yali bible

AMOS 9

¹An hauk men de TUHAN de mezbah anyo aluluk unduhuk latfag. Airoho unduhuk lit de Aren wene melaleg su og-nutuk kwit, “An nobam wirigmen e lahabeg doungdoho lahabeg on etma unggul de omamneroho watil laukmu re ambe olohotma wirig on etma mundoho elek dukwag. E lahabeg on etma re ap homi enunggulmu moluluk esakiyug. It ai fam en waramuhup fug on de An den dog yapuk men enowaruhuk. Ap misig oho eke buroho heiye longgo uhu fug, ne ap misig ulug eke ahap wendat aruhu fug.

²Iren ap waratlug laukmu etma foroho lahup famen de An den it og enebuhuk, ne iren boholma lahakup famen ohore etman An den belap enebik waruhuk.

³It Dom Karmel unggul fam herag amuhup on halug de, An den hera eneplug hweag-enebil lauk kwit, sen enebuhuk. Ne, it ik laut il apma indipmu erahamu herag amuhup on halug de An den kisu menawe naga laut [7] en senggel enebukwag ulug mingming duhuk.

⁴It lahe ap homi sabu het eneplug lahup halug ohore iren binggi enowarukwag ulug mingming enebuhuk. An den de enebe mundoho elehap enebuhuk ulug nenda berihikdeg duruk kahimu re it let enebuhuk fug.” Isi ebag.

⁵Kwenang elek durukmu ap homi enehummu siag hauk kamuhup, Aire TUHAN Mun Leho on mel Omamne humon mel anyo en bal haukmu re duruk karuhu. Ik Nil emberim fu lehekeg, obale sia aheg duruk hag, it aire airoho lahalug wamburuk kamuhup.

⁶TUHAN en obam de yit-yatma koloma etma wiruhu, Kwenang emberimmu re bohol ai hulia waroho fesi, ne ik laut fam en hililoho kwenang fene wilibik waharuk, Ai abirangge duruk on ai unuk de TUHAN en duruk!

⁷TUHAN ele uruk kwit, “Ap homi Israel on yei An den ap Sudan on ebet enepuk kahi alere, An den hit fahet ebet henepuk kahi ale eta hagdoho. An de hit henebe o Mesir en og-heneplug waharihik hagdoho re, an den ap Filistin on o Kreta en og eneplug waheg, ne ap Siria on o Kir en og eneplug waheg dirihik ai.

⁸AN TUHAN Mum Leho on en kerajaan Israel on mun siag neg duruk on au fureberuk kwit o kwenang fam suman mundoho eleho fohuk boruk kahi. Famen de it Yakub ambiangma on de enebe abirangge elehap enebuhuk fug. Ulug An TUHAN en mundoho nele ihi.

⁹An den fobik wene melaloho hweag-eseheg, ne ap homi en gandum anggen abib delduk angge fam lelduk hag An den it Israel on airoho duhuk. It enesahali kwe deg lam fug on etma oko embesoukwag ulug de An den enungguk unuk amu on wereg kwe aham-faham esahuk.

¹⁰Ap homi siag duruk on An nomaliki enesahalimu wereg on en uruk kwit, ‘Allah en de nit fam anggolo on nenobam amag ulug debehu fug’ uruk, famen de dik-demdoho re it enebe re weim fam en waramuhup angge en uruk” isi ebag.

¹¹ TUHAN ele uruk kwit, “Li horog aruhu salim de An den Daud leho welatsi mu obalma kerajaan anyo leho fohuk. Ketia kerajaan aire o meiyaloho wamburuk on hagdoho atsi. Famen de obahat etma An den obale kwe buhun-duhukdeg nikangge wiruhukmu re, o ai abut de atam wereg latsi hag deg laruhu.

¹²Ap Israel on en de o Edom kwenang fam apuhuno wereg on mel ne enunggul unuk abirangge endam An nomaliki on deg latsi on mel iren sebeleg wereg lamuhup. An TUHAN en mundoho nele ihi ne An den etma duhuk neg.” Isi ebag.

¹³TUHAN ele uruk kwit, “Li higit aik waruhu salim, gandum de folo-folo sipukdoho wilipukmu, anggen yihig balduk lire bale fouk fug angge dahanduk kamuhup. Anggur indip humon neg wilipukmu, ap en anggur ahaik humdoho hundig-hundig hwenangguruk kamuhup. Anggur ahaik de dom fene en depdoho belabik waheg, duk-duk kwe etman selelangdoho belabeheg duruk karuhu.

¹⁴An den Nomaliki Israel on sombandoho fano ap enebuhukmu enangge weregdoho neg welamuhup. Iren de enobam kota meiyal heg wambisi on omano obale kwe witil lahup deg, it enebe etma wereg lamuhup. Iren de eneyabuk anggur yabuk a yatuk kwit ne anggur ahaik nauk kamuhup. Iren de a yatuk ale higit-hahatdoho yatuk kwit anggen yihig nauk kamuhup.

¹⁵An den de nomaliki enanggwenang og-esauihik mu omano femdoho welamag ulug fesehuk. Airoho debesehukmu re it de o etman heneko og eneplug lahup fug. Ulug An TUHAN Allah en mundoho nele ihi” isi ebag. 1