Read Ninia Yali BILANGAN 26 Bible Online

BILANGAN 26 - Ninia Yali bible

BILANGAN 26

¹ Anggin atfag on anyo mundoho atfag ma re, TUHAN en Musa nim Eleazar hun Imam Harun amloho anyo nim fam uruk kwit de,

²“Hiren de ap homi Israel on enebe enahain elekwe deg aleroho hundomog wenako ininuk lisu baliek. Ap on abirangge enebe umur dua puluh tahun emberim fil deg on, it enebe tentara am alereg on etma abirangge enenuk baloho wenag-enebiyug,” ebag.

³Airoho hweag-esebag ma re Musa nim Eleazar nim en wene hweag-esebag ale ai higitdoho duruk kwit, iren ap on abirangge enebe umur dua puluh tahun emberim fil deg on neg wol-enepfagdeg o Moab donggoma Ik Yordan foma fil kota Yerikho horogma etma kabog-debag. Ap homi Israel enap o Mesir en wilibik watfag on de su:

⁴

⁵Unggul unuk Ruben on hun Yakub amloho wandeba on ai en de, unggul unuk ahutdoho Henokh on mel, Palu on mel,

⁶Hezron on mel, Karmi on mel.

⁷It enunggul unuk ahutdoho ai on fam en ap wandeba on neg de wenako enebe 43.730 en

⁸Hun Palu ai amloho re Eliab,

⁹ne hun Eliab ai omaliki re Nemuel mel, Datan mel, Abiram mel. Datan nim Abiram mel eta re it ap homi Israel on en momal-enepfag famen de, it enebe hun Korah mel misig sebe ebagdeg Musa, Harun mel TUHAN mel enele sahalfag.

¹⁰Airoho debag ma re kwenang kahaloho belap-enepfag ma it enebe Korah nim at ombolim lebag on nim indok en ap homi enebe 250 en anyo elehap-enepuk kwit waratfag. Ai atfag on aire ap homi Israel on en enenda ebetuk kamag ulug atfag.

¹¹Famen de hun Korah omalikisi on de it inim elehap-enepfag fug.

¹²Unggul unuk Simeon on en de: Nemuel ahain elekwe on de, Yamin, mel, Yakhin mel,

¹³Zerah mel Saul mel.

¹⁴It ai enomalikire ap on neg enebe wenako 22.200 en.

¹⁵Unggul unuk Gad on en de; Zefon ahain elekwe on de, Hagi nim, Syuni nim,

¹⁶Ozni nim, Eri nim,

¹⁷Arod nim Areli nim.

¹⁸It ai enomaliki re ap on neg wenako re, enebe 40.500 en ai.

¹⁹Unggul unuk Yehuda on en de: Syela ahain elekwe on mel, Peres ahain elekwe on mel, Syela mel, Zerah mel, Hezron mel, Hamul mel. Yehuda omaliki enebe biren etare Er ha, Onan ha o Kanaan kwenang fam en waratfag.

²⁰

²¹

²²It enunggul unuk etma famen ap angge neg seberoho wenako re 76.500 en.

²³Unggul unuk Isakhar on en enunggul unuk ahutdoho Tola on en de, Pua nim,

²⁴Yasub mel, Simron mel.

²⁵It enunggul unuk etma famen ap angge neg seberoho wenako re 64.300 en.

²⁶Unggul unuk Zebulon on en de Sered ahain elekwe on de Elon mel, Yahleel mel.

²⁷It enunggul unuk etma fam en Ap on neg seberohore wenako re, 60.500 en.

²⁸Yusuf ambiangma on at omaliki ap on biren welatfag on de: unggul unuk Manasye nim Efraim nim.

²⁹Unggul unuk Manasye on en de: Makhir hun Manasye amloho aire hun Gilead akni; ne it enunggul unuk fobik sure at Gilead ambiangma on:

³⁰Iezer ahain elekwe on mel, Helek nim,

³¹Asriel nim, Sekhem nim,

³²Semida nim, Hefer nim.

³³Zelafehad hun Hefer amloho aire omaliki ap angge eleg ma we hwelani angge neg endag-enepfag. It ininuk de: Mahla nim, Noa nim, Hogla nim, Milka nim, Tirza nim.

³⁴It enunggul unuk ai famen ap angge neg wenakore enebe 52.700 en.

³⁵Unggul unuk Efraim on de: Sutelah ahain elekwe on mel, Bekher mel, Tahan mel.

³⁶Eran ahain elekwe on aire at Sutelah ambiangma on.

³⁷Ap homi ai on en ap on neg wenako re enebe 32.500 en. Aire at Yusuf ombasi on en.

³⁸Unggul unuk Benyamin on de: Bela ahain elekwe on Asybel mel, Ahiram mel,

³⁹Sefufam mel, Hufam mel.

⁴⁰Enunggul unuk Ared on mel, Naaman on mel etare hun Bela ambiangma on en.

⁴¹It ap ai on en enomaliki ap on wenakore, 45.600 en.

⁴²Unggul unuk Dan on en: Suham ahain elekwe on etma.

⁴³It enunggul unuk ai on en ap omalik on neg wenakore 64.400 en

⁴⁴Unggul unuk Asyer on en de: Unggul unuk Yimna on mel, Yiswi mel, Beria mel.

⁴⁵It enunggul unuk Heber on mel Malkiel on mel aire hun Beria ambiangma on.

⁴⁶Asyer en de ahaloho misig eke welatfag on unuk de Serah.

⁴⁷It enunggul unuk eta fam en ap on neg enebe wenakore, 53.400 en.

⁴⁸Unggul unuk Naftali on en de: enunggul unuk ahutdoho Yahzeel on nim, Guni nim,

⁴⁹Yezer mel, Syilem mel.

⁵⁰It enunggul unuk eta fam en ap on neg wenako enebe re 45.400 en.

⁵¹Ap Israel on abirangge ap on neg wenako re enebe 601.730 en angge welatfag.

⁵² TUHAN ele Musa fam hweag-utuk kwit,

⁵³“Kwenang aire ap homi Israel on fam enunggul unuk domog etma dotdeg on mel, log deg on mel deg aleroho yohwan-esakin.

⁵⁴Ai duruk kwit de eneg ale helep anggen wal halug duruk anyo hagdoho fam diyug. It enunggul unuk lohon fam halug de kwenang log angge og-esakiyug, ne enunggul unuk doron fam halug de kwenang dorangge og-esakiyug,” ulug hweag-etfag.

⁵⁵

⁵⁶

⁵⁷Unggul unuk Lewi on aire Gerson on mel, Kehat on mel, Merari on mel welatfag.

⁵⁸It enahain elekwe on fam de it enunggul unuk Libni on oho, Hebron on oho, Mahli on oho, Musi on oho, Korah on oho welatfag. Kehat aire hun Amram akni.

⁵⁹Amram en de hwe Yokhebed hun Lewi ahaloho anyo hwelebag. Yokhebed aire o Mesir en endag-atfag on. Amram nim Yokhebed nim en de enomaliki ap angge biren endag-enepfag on de Harun nim Musa nim, ne enomalik hwelani anggere Miryam endag-debag.

⁶⁰ Harun de omaliki ap angge enebe ohwan endag enepfag, enebe re: Nadab nim, Abihu nim, Eleazar nim Itamar nim.

⁶¹ Nadab nim Abihu nim de iren foruk angge indok yaldukmu etmano TUHAN enda boruk eleg on fam indok yal-etfag ma waratfag.

⁶²Unggul unuk Lewi on fam en enomaliki ap angge enebe umur satu bulan emberim fil deg on neg wenako re, 23.000 en. It enunggul unuk ai on de it Israel on wereg ma etman enanggwenang it hwelauk on ulug eke welatfag fug mu re, it enunggul unuk amu on etmano fam en amu hwiliroho enunuk balfag.

⁶³Aire at Musa nim hun Imam Eleazar anyo nim en it Israel on fam enunggul unuk ahutdoho omano deg aleroho o Moab donggoma Ik Yordan foma fil en o Yerikho horogma etman enunuk wenako lisu balfag on de ai.

⁶⁴Atam at Musa nim Harun nim en Dom Sinai leimu en wenako ininuk lisu bal-enepfag on etmano re ap dem misig oho eke enoluk welatfag fug.

⁶⁵ TUHAN en uruk kwit it mundoho o lekman waramuhup ebag ma re demdoho it enebe mundoho waratfag, we hun Kaleb at Yefune amloho anyo ha ne Yosua hun Nun amloho anyo ha neg de waratfag fug.