Read Ninia Yali BILANGAN 7 Bible Online

BILANGAN 7 - Ninia Yali bible

BILANGAN 7

¹At Musa en TUHAN Obam Sabo anyo mundoho wiri febagdeg de munangge-manangge ilonggo kwe angge omano mundoho ahalue wene kabog-duruk kwit duruk on fam ebene waroho eneko feil lebag. Ai en waroho yalduk angge mezbah anyo mel ne ai fam etma yalduk kwit duruk angge mel fene etmano oho airoho neg debag.

²Ai en de it Israel enowesi kaindeg, ite it kepala suku ap homi wenako lisu balduk on fahet akni atfag on etmano en de,

³TUHAN olohotman de no pedati folfalik en nim, en sapi nesanggo en nim obahet feik watfag. It ap kaindeg enebe biren heg en de pedati misig feik watfag, ne enemu domog on de wam sapi misig heheg febag. Iren mundoho airoho febagdeg ma

⁴TUHAN en Musa fam ele hweag-utuk kwit de,

⁵“Og-nerehesa angge ai wakin, etma re An Nobam Sabo ai walug lauk angge fahet deg ma re; walug de abirangge etma it ap Lewi on eneyabuk duruk ale higitdoho og-esakiyug,” ulug hweag-etfag.

⁶Airoho ebag ma re pedati omano mel, sapi omano mel de at Musa en it ap Lewi on og-esebag.

⁷Pedati biren nim sapi ohwan nim de ap Gerson on og-esebag,

⁸pedati ohwan nim sapi ligin en nim de it ap Merari on, yabuk at Imam Harun amloho Itamar anyo en melal-enepuk kweleg duruk ale omano higitdoho og-esebag.

⁹Famen de it ap Kehat on neg de, munangge-manangge mun eneg horeg angge iren akniroho hwalduk katfag angge etma re enum mu harulug lauk katfag ma re, Musa enggik men pedati oho sapi oho eke hwelebag fug.

¹⁰It ap kaindeg omano en de mezbah anyo obahet eneko folug ahalue wene kabog-duruk kwit duruk angge anyo ebene hililduk mu iren febag angge etmano walug watfag. Iren fouk debagdeg walug de mezbah olohotma etano walug feik wamul ulug duruk li em de,

¹¹TUHAN ele Musa hweag-utuk kwit, “It fam hele hweag-esakin, nukoho nesanggo en eta fam nukoho hundig-hundig de it ap melal-enepuk on etma enesahalimu misig eke en de mezbah ai ebene ahalue hililduk kwit duruk on fahet enengge walug feik waharuk kamuhup, ulug hweag-esakiyug,” ulug hweag-etfag.

¹²It enebe domog en enengge walug feik watfag alere deg ale su higitdoho: [Nukoho] — [Unggul unuk] — [Melal-enepuk on] Sehelet misig salim — Yehuda on — Hun Aminadab amloho Nahason Bireneg salim — Isakhar on — Hun Zuar amloho Netaneel Henahaneg salim — Zebulon on — Hun Helon amloho Eliab Ohwaneg salim — Ruben on — Hun Syedeur amloho Elizur Foap salim — Simeon on — Hun Zurisyadai amloho Selumiel Folfalik salim — Gad on — Hun Rehuel amloho Eliasaf Sabit salim — Efraim on — Hun Amihud amloho Elisama Ligin salim — Manasye on — Hun Pedazur amloho Gamaliel Soho salim — Benyamin on — Hun Gideoni amloho Abidan Num salim — Dan on — Hun Amisyadai amloho Ahiezer Nanggolop salim — Asyer on — Hun Okhran amloho Pagiel Nesanggo salim — Naftali on — Hun Enan amloho Ahira TUHAN obahet foruk angge ulug enemu domog walug waharuk katfag on etma ebe ambiroho neg walug watfag: perak olog angge misig fam yohwareg angge anggin(...)

⁸⁴It ap melal-enepuk on enebe nesanggo en etan mezbah wirig anyo ebene horuruk on ulug walug watfag on eta abirangge seberoho re: - perak doal angge nesanggo en doaleg angge mel ne waruk perak on nesanggo en mel anggin abirangge seberohore 27,6 kilogram - emas doal angge nesanggo en doaleg angge anggin abirangge wenako re 1,32 kilogram amben angge dupa en hoporoho neg yohwareg angge - sapi yohombuk nesanggo en, domba yohombuk nesanggo en nim domba umur satu tahun deg on nesanggo en nim roti weraho on yaldukmu inim seberoho yalduk on mel - kambing nesanggo en enesiag apelehap amag ulug yalduk on mel, - sapi yohombuk on 24 en nim, domba yohombuk on 60 en nim kambing 60 en nim, domba omalik umur satu tahun deg on anggerang owam waroho yalduk on fahet ulug mel de 60 en walug watfag.

⁸⁹Hundig-hundig at Musa TUHAN Obam Sabo ma kulug TUHAN nim ele marik kuruk mu re, At TUHAN ele Peti Sali wene wareg aplit sebeleg on anyo emberimmu malaikat kerub [1] ahut ilit deg biren angge wereg honggolegma etano en ele urukmu esanggo holduk katfag.