Read Ninia Yali ZAKHARIA 4 Bible Online

ZAKHARIA 4 - Ninia Yali bible

ZAKHARIA 4

¹Malaikat an nobam ele hweag-nitsi on anyo nikangge an nakit wahasireg ap nohoruk men elel-enepuk hag elel nabik wahasireg hein og neauk kwit,

²“Haren ketia nunggwangge hauk kahen?” Ulug hein og neasimu, an den onggo uruk kwit, “Lampu eyog emas on misig. Ne, lampu ai atog emberim fam etma re minyak forukmu obale wereg, ne maseroho re lampu sabiren wereg ma ebe domog de asum indok ulog durukmu fahet obale sabiren wereg.

³ Lampu ai en ombandu bekit fil mel eke hware fil mel eke re e zaitun biren angge wereg ma hauk kahi,” ulug hweag-itihik.

⁴Ai en an den malaikat anyo fam hein og-hauk kwit, “Nowe no eta ebe nunggwe fahet ilit deg wereg?” Irihik mu,

⁵aren an hein og neauk kwit, “Hat de hapeleg deg a?” Isi. Ai isimu an den de, “Nowe napeleg” irihik.

¹⁰ Malaikat anyo en an nobam uruk kwit, “Lampu sabiren etare TUHAN il sabiren o kwenangma[5] suma abirangge il wereg on etano.”

¹¹ Ai en an den nikangge at fam hein og-hauk kwit, “E zaitun lampu ai bekit fil nim hware fil nim wereg etare ebe keroho fahet?

¹²Ne, eke e zaitun enggik handohwal deg on biren angge pipa emas on minyak waharuk kwe hwaleg on fam etare ebe keroho fahet deg?” Ulug hein wauwihik.

¹³Wauwihik mu aren uruk kwit, “Hat de hapeleg deg a?” Isimu, an den de, “Nowe napeleg deg.” irihik.

¹⁴Airoho irihik mu aren ele uruk kwit, “Etare ap biren angge TUHAN o bohol kwenang wal-debag ahun anyo en At obahet duruk kamag ulug eneko unduhuk fesesi on etano,” ulug hweag-nutuk mu hauwihik. TUHAN en Zerubabel sali hweag-etfag on Malaikat anyo en an mingming napuk kwit, TUHAN en diroho eheik ulug hun Zerubabel hweag-irik lag isi, “Ap tentara enomamne fam mel, ne hat homamne fam dip-deberuk kwit, haren ambiangma fanoroho duhun fug. Ite An Naheime fam dip-deberuk kwit neg duhun. Hat halukwema etma kwe bal angge dom hag hum angge famen oho re hihiloho lauk karuhu. Haren de An Nobam anyo wuruhun, ne haren helep keram on oboule obalma foruk li em de ap homi uruk kwit, ‘Mun ebereg!’ Uruk kamuhup” ulug hweag-nutuk mu hauihik. Ai en TUHAN en wene diroho iyug ulug an nobam waharuk kwit, diroho isi, “At Zerubabel en de An Nobam anyo oboule feheik, ne aren de o ai abirangge mundoho wuruhu. Ne, ai lahe atuk halug de An Nomaliki en de hat Zakharia an nomaliki enakit An d(...)