Read Ninia Yali YOSUA 15 Bible Online

YOSUA 15 - Ninia Yali bible

YOSUA 15

¹It enunggul unuk Yehuda on fam en enahain elekwe domog kwenang it dohon hwelebeg ale huli-huli re diroho: Il apma selatan fil de, o kwenang aire o Edom huli-hulimu en o Zin leimu en mun apma fil erahamu wirilig on etma;

²ik Laut Mati anyo ambiangma en de,

³dil-dil il apma selatan fil o Akrabim il kwe en de o Zin huli etma. Ai en de o Kades-Barnea en apma selatan fil en de dil-dil o Hezron kwe en de, lahabeg o Adar fam en de hwaninggoho re o Karka wereg fil etma.

⁴Etan de dil-dil o Azmon fam en de, ik ahanggen on o Mesir huli-hulimu ai som en de, ambiag fotogdoho re ik Laut Tengah huli etma. O it enunggul unuk Yehuda on enobahet il apma selatan fil fahet huli-hulire airoho deg latfag. Ne, huli-huli airoho deg latfag on aire it ap homi Israel on enanggwenang fam en il apma selatan fil fahet huli-huli re ai.

⁵Mo lahaik waharuk fil en huli-huli re, Laut Mati fam en dil-dil lahabeg de il emberim utara fil Ik Yordan ambut kwelabik waharukmu huli etma. Il emberim utara fil huli-huli re, Ik Yordan ambut kwelabik waharuk on anyo fam en indip dulug de,

⁶lahabeg de o Bet-Hogla en de dil-dil de o Yordan Donggo huli-hulimu etma. Etman de emberim utara fil huli-huli aire lahabeg de Helep Bohan wereg ma huli etma (Bohan aire hun Ruben amloho),

⁷ai en de o Lembah Kesusahan etmano en de o Debir huli, ai en hwaninggoho re utara fil en o Gilgal furoho dom il de o Adumim alduk nim alukwe kwelabegma fanggong ai fam en il apma selatan fil etma. Etan dil-dil de ik En-Semes eleruk wilipukmu en de, o En-Rogel fam,

⁸ai o Lembah Hinom kwe en lahabeg de duk weregman il apma selatan fil eta o Yerusalem ap homi Yebus on enobam kota fam etma. Etan de huli-huli deg on de lisoho duk funu-funu fam, o Lembah Hinom etano en mo obuk uruk fil hulimu en etano en Lembah Refaim donggo ambiang emberim utara fil huli etma,

⁹ai en dil-dil de ik Me-Neftoah eleruk wilipukmu en de Dom Efron horogma kota wereg on horogma etma huli. Etan de o kwenang ai huli-hulireg on de hwaninggoho o Baala fil etma (aire o Kiryat-Yearim),

¹⁰ne o Baala en mo obuk uruk fil etma maseroho re o Edom kwe en dom-dom fil etma, ai en Dom Yearim fam il emberim utara fil etma (dom aire Dom Kesalon anyo), ne belabeg de o Bet-Semes fam en de dil-dil de o Timna fam.

¹¹O Timna en de, huli-huli deg on aire Dom Ekron fam il emberim utara fil etma hwaleg, ai en hwaninggoho re o Sikron fil, Dom Baala sohwandoho, ai en de o Yabneel, ne fotogdoho re ik Laut Tengah fam etma,

¹²Ne, it enunggul unuk Yehuda on ai enobam wilayah mo obuk uruk fil huli-huli deg on. O wilayah etma fam de it enunggul unuk Yehuda on enahain elekwe on etmano neg welatfag.

¹³ TUHAN en wene melaloho Yosua hweag-etfag ale higitdoho re, it Yehuda on enobam bumbuk etmano foma re at Kaleb hun Yefune amloho unggul unuk Yehuda on anyo fam og etfag. Hun at fam de o Hebron kota hun Arba ap Enak akni en on anyo og etfag.

¹⁴At Enak ai ambiangma on de ap Sesai on mel, Ahiman on mel, Talmai on mel. At Kaleb en de it ap etma abirangge o Hebron en muko wilibi fesebag.

¹⁵Etan de aren ap o Debir wereg on enowarik lebag, Kota ai atam de o Kiryat-Sefer ulug enoluk deg latfag.

¹⁶At Kaleb en uruk kwit de, “Ap sa en o Kiryat-Sefer ai deloho wahu halug de ap ai en an nahaloho hwele Akhsa au hwelahu,” ulug ebag.

¹⁷At Kaleb are unuk Kenas anyo amloho nimi Otniel anyo kota anyo deloho webag ma re; Kaleb ahaloho Akhsa anyo og etfag.

¹⁸Nukoho it lombo enepuk salim aire, Otniel en hwele Akhsa[6] fam de akni akit kwenang huli misig eke heng din ulug mingming ele abiroho mingming debag. Ai fam de at Akhsa anyo no keledai fam wambebag ma re, Kaleb en de nunggwe hendan wahen? ulug hein og-hebag.

¹⁹Ai ebag ma at Akhsa en onggo uruk kwit de, “Nakni an den kwenang nayon haren og-nitihin on etano re kwenang beng-beng iringgig kwe neg deg ma re, an de ik eleruk wilipuk on nunggwe en hagdoho eke og-nitmihin,” ebag. Ai ebag ma re at Kaleb en de ik eleruk fil nim ne ik ambut fil nim ik eleruk wilipuk kwe nim at og etfag.

²⁰Ombolim su re kwenang it enunggul unuk Yehuda on fam en enahain elekwe omano enangge on amag ulug og-esebag ma anyo.

²¹Kota il apma selatan fil yit-yatma erahamu en Yehuda angge atfag on de, o Edom nim huli-hulimu wereg on etma, ne abirangge re ebe o bumbuk 29 en, aire aluluk kwe o sili dot-doron welatfag on mel et. Kota eta ebere: Kabzeel, Eder, Yagur, Kiana, Dimona, Adada, Kedes, Hazor, Yitnan, Zif, Telem, Bealot, Hazor-Hadata, Keriot-Hezron (aire Hazor ulug), Amam, Sema, Moloda, Hazar-Gada, Hesmon, Bet-Pelet, Hazar- Sual, Bersyeba, Baala, Iyim, Ezem, Eltolad, Kesil, Horma, Ziklag, Madmana, Sansana, Lebaot, Silhim, Ain, Rimon nim.

³³Kota mel o sili doron desa mel duk indip kwe welatfag on etma seberoho re 14 en welatfag. O etare: Esytaol, Zora, Asna, Zanoah, En-Ganim, Tapuah, Enam, Yarmut, Adulam, Sokho, Azeka, Saaraim, Aditaim, Gedera, Gederotaim nim.

³⁷Eke kota 16 en ombolim sure o sili desa aluluk kwe welatfag on nim. Ebere: Zenan, Hadasa, Migdal-Gad, Dilean, Mizpa, Yokteel, Lakhis, Bozkat, Eglon, Kabon, Lahmas, Kitlis, Gederot, Bet-Dagon, Naama, Makeda nim.

⁴²Ai en kota sohoen ombolim sure o sili desa nim, ebere: Libna, Eter, Asan, Yiftah, Asna, Nezib, Kehila, Akhzib, Maresa nim.

⁴⁵Ai en o Ekron ebe nim kota doron inim, o sili dot-doron nim,

⁴⁶o Asdod horog kwe kota mel desa mel wereg on abirangge wereg on o Asdod en ik Laut Tengah anyo huli etma wereg on etma mundoho.

⁴⁷Ai higitdoho re Asdod mel Gaza mel o kota mel, sili dot-doron mel saharoho re o Mesir huli-hulimu en ik Laut Tengah anyo en ik doron aeg fil etma sahareg wereg on etma nim.

⁴⁸O dom fil etma re o kota re nanggolop en angge sili doron nim seberoho welatfag on de: O Samir, Yatir, Sokho, Dana, Kiryat-Sana (aire Debir ulug), Anab, Estemoa, Anim, Gosyen, Holon, Gilo mel.

⁵²Ai en eke kota soho en ombolim su mel de o sili etmano nim et seberoho re: O Arab, Duma, Esan, Yanum, Bet-Tapuah, Afeka, Humta, Kiryat-Arba (aire Hebron fahet), Zior mel.

⁵⁵Ai en kota num en sure o sili aluluk kwe maseroho wereg on nim et etare: O Maon, Karmel, Zif, Yuta, Yizreel, Yokdeam, Zanoah, Kain, Gibea, Timna mel.

⁵⁸Ai en eke kota folfalik en sure o sili aluluk kwe maseroho wereg on etmano nim seberoho re: Halhul, Bet-Zur, Gedor, Maarat, Bet-Anot, Eltekon nim.

⁶⁰Ai en eke kota biren ombolim eiya oho re o sili dot-doron aluluk kwe walinggoho wereg nim et anggere: O kota Kiryat-Baal (aire o Kiryat-Yearim ulug) nim de o kota Raba nim.

⁶¹O lei kwe etma re o kota folfalik en welatfag on o sili dot-doron aluluk kwe wereg on nim seberoho re: O Bet-Araba, Midin, Sekhakha, Nibsan, Kota Garam mel de En-Gedi mel.

⁶³ Kota Yerusalem oho re at Yehuda angge, famen de it Yehuda enap en de ap Yebus enap o etma wereg latfag on muko wilibi fesebag fug. Ketia huli en de it Yebus enap etma re it Yehuda enap nim seberoho o kota ai fam wereg.