Read Ninia Yali YOSUA 19 Bible Online

YOSUA 19 - Ninia Yali bible

YOSUA 19

¹Kwenang bireneg on yohwan-esebag on de it enunggul unuk Simeon on fam enahain elekwe on etmano fam yohwan-esebag. It enanggwenang huli-huli re it enunggul unuk Yehuda on en etmano fam kwelabeg.

² It fam de kota 13 en su nim o sili aluluk kwe maseroho wereg on nim og-esebag on de su: Bersyeba, Syeba, Molada, Hazar-Sual, Bala, Ezem, Eltolad, Betul, Horma, Ziklag, Bet-Hamarkabot, Hazar-Susa, Bet-Lebaot, Saruhen nim eta.

⁴

⁵

⁶

⁷Ai en kota eke ohwan su nim de o sili aluluk kwe maseroho wereg on nim oho re su: Ain, Rimon, Eter, Asan nim.

⁸Eke desa o kota etma aluluk kwe maseroho welatfag on abirangge nim et de busandoho o Baalat-Beer huli (Aire o Rama uruk ai) kwenang il selatan fil wereg on fam etma. Kwenang it enunggul unuk Simeon on fam en enahain elekwe on fam etmano enangge on amag ulug og-esebag on de etma.

⁹Kwenang it enunggul unuk Yehuda on en de mun anggweroho wiriligmu re kwenang eta fam en fomane re it unggul unuk Simeon on fam og-esebag.

¹⁰Kwenang henahaneg on yohwan-esebag on de it enunggul unuk Zebulon on fam enahain elekwe on etmano fam yohwan-esebag. Kwenang it fam yohwan-esebag on huli-huli re o Sarid huli.

¹¹O Sarid en huli-huli mo obuk uruk fil ilit deg on de lahareg de o Marala fam en de, o Dabeset mel ik o Yokneam en mo lahaik waharuk fil doron wirig atuk on ai mel seng-seng etma deg.

¹²Mo lahaik waharuk fil hwili angge ilit deg on de o Sarid en de lahareg de o Khislot-Tabor inim huli-hulimu etman de dil-dil de o Dobrat fam en de lahabeg de o Yafia fam.

¹³Etan de huli-hulimu ilit deg ma anyo en lauk kahareg de mo lahaik waharuk fil o Gat-Hefer mel o Et-Kazin mel fam en de hwaninggoho re o Nea fil en de o Rimon fam deg.

¹⁴Il emberim utara fil de kwenang ai huli-huli re hwaninggoho o Hanaton en de ambiang de Lembah Yiftah-El etma fam deg.

¹⁵Wilayah it enunggul unuk Zebulon on ai fam de eke: o Katat mel, Nahalal, Simron, Yidala, mel Betlehem mel. It enobam etma re kota nesanggo en nim de o sili dot-doron aluluk kwe maseroho wereg on mel.

¹⁶Kota mel o sili dot-doron mel etma re o it enunggul unuk Zebulon on fam kwenang it enangge on amag ulug og-esebag on etmano fam welatfag.

¹⁷Kwenang ohwaneg on yohwan-esebag on de it enunggul unuk Isakhar on fam enahain elekwe on etmano fam yohwan-esebag.

¹⁸It enobam kwenang fam de eke inim dopnoreg latfag on de: O Yizreel, Khesulot, Sunem nim,

¹⁹Hafaraim, Sion, Anaharat,

²⁰Rabit, Kisyon, Ebes,

²¹Remet, En-Ganim, En-Hada, Bet-Pazes nim.

²²It enanggwenang huli-huli re o Tabor mel, Sahazima mel, Bet-Semes mel, seng-seng de huli-huli re Ik Yordan fam deg. It enobam sili etma re 16 kota wereg ma re o sili dot-doron aluluk kwe maseroho et deg latfag.

²³Kota mel o sili doron mel etma re o kwenang it enunggul unuk Isakhar on fam enahain elekwe deg aleroho it enangge on amag ulug og-esebag on etmano ilonggoma wereg.

²⁴Kwenang ohwan on yohwan-esebag on de it enunggul unuk Asyer on fam enahain elekwe on etmano fam yohwan-esebag.

²⁵It enanggwenang de: O Helkai, Hali, Beten, Akhsaf,

²⁶Alamelekh, Amad, Misal nim. It enanggwenang huli-huli mo obuk uruk fil de Dom Karmel mel Ik Libnat mel seng-seng etma.

²⁷Etan de it enanggwenang huli-huli anyo re hwaninggoho re mo lahaik waharuk fil o Bet-Dagon en de it Zebulon on enanggwenang huli nim seng-seng de Donggo Yiftah-El fam en de lahabeg de il ambol utara fil o Bet-Emek mel Nehiel mel fam etma huli. Ai en huli-huli anyo re lauk kahareg de il emberim fil etman de o Kabul fam etma deg.

²⁸O Rebron en de Rehob en Hamon mel, Kana mel en de o Sidon busandoho etma huli.

²⁹Etan de huli-huli ilitdeg on anyo re hwaninggoho re o Rama en de dil-dil o kota Tirus, kota aire elehet oko kwelabeg on fam etma fam; Etman de huli-hulimu ilit deg on anyo re hwaninggoho re o Hosa fam en de ambiang de Laut Tengah on fam etma fam deg. Huli-huli wereg on etma ilonggoma re o Mahalab mel, Akhzib mel,

³⁰Uma mel, Afek mel, Rehob mel. It enobam bumbuk de 22 kota en nin o sili dot-doron aluluk kwe wereg on etmano et angge welatfag.

³¹Kota mel o sili dot-doron mel etma re o kwenang it enunggul unuk Asyer on en enahain elekwe on fam it enangge on amag ulug og-esebag on etma ilonggoma welatfag.

³²Kwenang folfalik on yohwan-esebag on de it enunggul unuk Naftali on fam enahain elekwe on etmano fam yohwan-esebag.

³³It enanggwenang huli-huli re o Helef, fam en de o Zaananim en e batie eke fam en de dil-dil de o Adami-Nekeb fam, etman de o Yabneel en o Lakum huli, ai en Ik Yordan fam deg.

³⁴Etan de huli-huli ilitdeg on anyo re hwaninggoho barat fil o Aznot-Tabor fam, ne etan de o Hukok fam deg. Il apma selatan fil en de kwenang aire it Zebulon on enanggwenang nim huli-hulireg, ne barat fil en de Asyer nim huli-hulireg, ne timur fil de Ik Yordan nim hulireg.

³⁵Kota etman elehet huk oho on de: Zidim, Zer, Hamat, Rakat, Kineret,

³⁶Adama, Rama, Hazor,

³⁷Kedes, Adrei, En-Hazor,

³⁸Yiron, Migdal-El, Horem, Bet-Anat, Bet-Semes mel. It enobam enanggwenang etma mundoho re 19 kota en angge o sili dot-doron aluluk kwe wereg on et.

³⁹Kota mel desa mel etma re kwenang it enunggul unuk Naftali on enahain elekwe on fam it enangge on amag ulug og-esebag on etma ilonggoma welatfag.

⁴⁰Kwenang sabit on yohwan-esebag on de it enunggul unuk Dan on fam enahain elekwe on etmano fam yohwan-esebag.

⁴¹It enanggwenang aire: O Zora, Esytaol, Ir-Semes,

⁴²Saalabin, Ayalon, Yitla,

⁴³Elon, Timna, Ekron,

⁴⁴Elteke, Gibeton, Baalat,

⁴⁵Yehud, Beneberak, Gad-Rimon,

⁴⁶Me-Yarkon, Rakon, ai on o Yope horog kwe kwenang wereg on etma mel.

⁴⁷ Ap enunggul unuk Dan on etma re wilayah it fam en fomane eleg atfag[8] Ai fam de it enebe o Lesem lebagdeg o kota ai bin kwik lebag. Iren o anyo deloho hwelebagdeg de ap homi o ai on binggi enowaroho febagdeg de it enebe kota ai fam welatfag. Airoho debagdeg de it enebe etma wereg lit o kota ai unuk Lesem fam en de iren ahamdoho re kota Dan enembu unuk fene soalfag.

⁴⁸Kota mel desa mel etma re kwenang it enunggul unuk Dan on enahain elekwe on fam it enangge amag ulug og-esebag on etma ilonggoma welatfag.

⁴⁹It ap homi Israel on en kwenang etmano mundoho yohwan-yohwan atfagdeg de, iren de Yosua hun Nun amloho anyo fam kwenang at angge on amag ulug og etfag.

⁵⁰TUHAN en wene melaloho hweag-esebag aleroho re, iren de kwenang o kota at onggwareg en heng ebag aleroho og etfag. Iren og etfag on de: O Timnat-Serah o Efraim domma etma og etfag. At Yosua en de kota ai nikangge witfagdeg de at ebe etma welatfag.

⁵¹Airoho at Imam Eleazar, Yosua hun Nun amloho anyo mel, it enunggul unuk Israel on en it enahain elekwe domog kepala welatfag on etmano mel de, TUHAN en wene diroho diyug ulug hweag-esebag aleroho kwenang anyo enenggik helep anggen fam wal heheg yohwan-debag. Aire iren o Silo TUHAN Obam Sabo anyo olohotman yohwan-debag. Airoho debagdeg de kwenang anyo yohwan duruk ale mundoho debebag.