Read Nocte Naga Luk 23 Bible Online

Luk 23 - Nocte Naga bible

Luk 23

¹Mihnyan heh phangtang cheplahma Jisu Pilat tânâng sietkatwah,

²Enâng thinma bângsekham wah: “Are pumma nãng mihnyan heh phoangkesiet lahma chohloeki, atema Chofa nâng thãkho lekohmin ngama phoangthôkoh eka, ngale ate dedema nga a Misaia, ngale lowang ngama phoangthôrii eka.”

³Pilat ma Jisu nâng chhienwah, “Nanga Jews heh lowang ne?” “Nangma lâpun jabtoh,” ngama Jisu ma dânthâng wah.

⁴Erediko Pilat ma soam aroakte adong ngale mihnyan hehnâng thôngphâ wah, “Ngama are mihnyan pumma chenni nângjô thelahma chohlomek.”

⁵Rohkomin thinma jahjah chaanjab wah, “Atema phoanghethô lahma Judia diakwah mihnyan heh phangtang phoangjamsiet eka. Atema Galili nâng bângphoang jâmsietwah, ade phumma anângmin lâhû jamsiet katha.”

⁶Chenthu Pilat ma are nginpa tatphumma atema chhienwah, “Are mihnyan pa Galili jatne?”

⁷Chenthu Pilat ma Jisu pa Hirot ma pêneka diak khenwah ngama jetphumma, atema Hirot tânâng chienwênwah, erepoatko Hirot a Jeroselem nâng dângwah.

⁸Chenthu Hirot ma Jisu kheko atea nyahrãng khuhahwah, chenrãngma ngako atema Jisu nginpa tatlahma chenthu thuma Jisu khehunwah. Jisu ma patritli moatlem molahma echohkhe ang ngama Hirot ma thônghun wah.

⁹Ephumma Hirot ma Jisu nâng melâng ngin thôngphâ wah, rohkomin Jisu ma chenjô dânthangho.

¹⁰Soam aroakte adong le Niemarang hethôte heh khema nâng cheplahma Jisu nâng nyahrãng chaan sekhamwah.

¹¹Hirot le ate sipâhi hehma Jisu nâng nyahrãng jõjêm lahma rêsêthuk wah; erediko thinma khetsenwah pohko lahma Pilat tânâng ngaksietkat wah.

¹²Erejâ pumma Hirot le Pilat nii lemruchha rãng pekmînwah; ere mako thin a randângwah.

¹³Pilat ma soam aroakte adong, khhepho phannang heh erediko mihnyan heh phangtang khoanroowah,

¹⁴ngale thinnâng ngatwah, “Nema are mihnyan pumma nãng mihnyan heh phoangkesiet eka ngama ngatânâng siethû koh eha. Phumma ngama ne tâko lâthat thôngphatek, rohkomin nema sekham eken rãngrãng ngama atea thelahma chohlomek.

¹⁵Hirot memin atenâng thelahma chohloho, erohwah atema nãngtânâng ngakchienwên era. Are mihnyan pumma ate lanritpheroh chenjô chhihmomah.

¹⁶Erohwah ngama atenâng watlekma chienchhoan ang.”

¹⁷

¹⁸Mihnyan heh phangtangma rakwah, “Ritphere en! Barabas laangphe kohhi!,”

¹⁹(Barabas pa hahdaangko phoangjamsiet lahma mih ritphedi phâtek nâng khhekwah.)

²⁰Pilat ma Jisu chhoanthuk hunwah, rohwah atema mihnyan hehnâng thêngak thôngphâ wah.

²¹Phumma mihnyan hehma ngakrakwên wah, “Arittekre en! Arittekre en!”

²²Pilat ma thinnâng lôremrãng ngatwah, “Eroh medang ako atema chenni chhihmotah a? Atea lanritpheroh chenjô chhihmo lahma ngama chohlomek! Ngama atenâng watlekma chienchhoan ang.”

²³Rohkomin thinma Jisu pa arittek jôba rêmin ngama chaanmõang rakwah, phumma athôanko linlinjô thinma ngaeka junko dângwah.

²⁴Ephumma mihnyan hehma ngaeka rãngrãng Pilat ma Jisu ritphe rãng nginpat hôanwah.

²⁵Thinma chenpa thatah a ere mihnyan pa Pilat ma laangphê kohwah, ere mihnyan pa hah phoangjamsiet lahma mih ritphedi phâtek nâng khhekwah, ngale nema chenni rehun eken a eroh hôanjôan en ngama thindeknâng Jisu kohwah.

²⁶Sipâhi hehma Jisu sietchhoan wah, ngale thinma lemko Kren diakwah mihwa wathe chohmînwah, ate mînpa Simon dângwah, atea thin diakwah sumhah nâng katwah. Phumma thinma lolahma ate khohko bãngphak pa loakko lahma, atenâng Jisu tokdiko pêthukwah.

²⁷Mihnyan jahmõang ate diko junkhoam wah; thin demko dihiaknyu khuthe ate rãngma nyahrãng seplahma dângwah

²⁸Jisu ma thinnâng ngiaksûkat lahma ngatwah, “Jeroselem wah dihiaknyu heh! Ngarãng neksepen, nekhu dederãng ngale ne chhuchha hehrãngma sepen.

²⁹Chenrãngma ngako mihnyan hehma, ‘Chha ahote dihiaknyu, naa lethat chhate, ngale naanyong lethat dangte dihiaknyu heh chentô khangraangsên a!’ ngama ngat sanpoat pa lâhûera.

³⁰Ere sanpoatko mihnyan hehma hahkong hehnâng, ‘Ni khohko rutjâkahi!’ ngale hahho hehnâng, ‘Ni tekpetkathi!’ ngama engawak a.

³¹Mihnyan hehma bãngpa ahin poatko tumin aroh mehôan mejôan ako, mechoaktah kojãtanga chentô hôanjôan min a?”

³²Ahanmin mihngoan wanii Jisu demko johrittek rãng sietchhoan wah.

³³Chenthu, “Mangkhora sekthinthe,” ngama ngaeka theko siethok phumma, eretheko thinma Jisu rittekwah, ngale mihngoan wanii pemin Jisu dekhitko wathe ngale dekchahko wathe johrittekwah.

³⁴Jisu ma ngatwah, “Ewa thinnâng mapkoh o! chenrãngma ngako thinma chenni moeka erepa jetmah.” Thinma thintungko Jisu khetpa longkendoh nâng tanlahma phenkep wah.

³⁵Jews khhepho phannang hehma Jisu nâng jôjêm poatko eretheko mihnyan heh cheplahma sokwah: “Atema mihhan tapepâng eka; phumma Joban ma rênwah Misaia medang ako atedede min chenpe pângriitan a!”

³⁶Sipâhi hehmemin atenâng jôjêm wah: thinma ate tâko kalahma atenâng penriti chhih kohwah,

³⁷ngale ngatwah, “Nanga Jews heh Lowang medang oko nangdede pepângriio!”

³⁸Ate khherahko: “Arepa Jews heh lowang.” Ngama raanglahma betkohwah.

³⁹Erekowah mihngoan wathe pumma ate khopa heklahma dûmmek wah: “Nanga Misaia dangmohne? Nangdede pepângrii lohma, nimin pepânghi!”

⁴⁰Ahan wathe pumma atenâng ritngatwah, “Nanga Joban ran cheimohne? nangmin ate rãngrãng jôba rittek eho.

⁴¹Nãngheh a, nãnghehma chhihmoat thãba rittek kohehi; rohkomin atea chenjô lechhihmo nâng rittek eka.”

⁴²Ngale erediko atema Jisu nâng ngatwah, “Jisu, Nanga chenthu Lowang danglohma katjâko nganângmin thonghunhang!”

⁴³Jisu ma atenâng ngatwah, “Ngama nangnâng toamsem eki, thejâ phumma nanga nga demnâng rangkhethung nâng tôngmin.”

⁴⁴Rangngih echhi wannii sanpoat pumma danglahma sanhêmthah wanrem sanpoat tôko san lephiaktu thangma hahtokkhoh phangtang nyekjâ wah; ngale Rangsoamhum kowah khettin ekapa lengnii korãng lângjâ wah.

⁴⁵

⁴⁶Jisu ma, “Ewa! Nang dekko Nga Jupa chohkoh eki!” ngama chaanmõang raklahma ate ritwah.

⁴⁷Ereko chenni dangtah a erepa Sipâhi sahhabwa pumma khelahma atema Joban nâng rôwah, atema ngatwah, “Linlinjô atea mihnyansen dângwah!”

⁴⁸Eretheko sokrãng khôanhutah mihnyan hehma ereko chenni dangtah a ereheh khewah, thin nyahrãng hungchhih rekmah danglahma humnâng ngakwâng wah.

⁴⁹Jisu nâng senthemthem jette heh erediko Galili wah ate diko junkhôamte dihiaknyu heh roanche ataang manko cheplahma sokwah.

⁵⁰Josep ngama mihnyan wathe dângwah, atea Judia diakwah Arimatha hahwah dângwah. Atea mihnyansen ngale chentôma atenâng hunlahma dângwah, ngale atemin Joban Hahsông pa bemla lahma dângwah. Atemin Jews heh ngoang awangjô medang akomin, thinma Jisu ritphe rãng phung eka moatlemko johdangho.

⁵¹

⁵²Atema Pilat tânâng wãng lahma Jisu mangpa thâwângwah.

⁵³Erediko atema Jisu mangpa jâtoan lahma, khetnâng doaplahma, longjanwah thutwah henjô mathatru mangruk kenko rukatwah.

⁵⁴Erejâpa hokut batjâ dângwah, ngale Pientông rangwo jâpa dangnemnem dângwah.

⁵⁵Galili wah Jisu demnâng johkatah dihiaknyu hehma Josep demnâng johka lahma mangruk pa sûka, ngale Jisu mangpa chenroh rukat eka erepa sokkatwah.

⁵⁶Erediko thinma humnâng ngakwãng lahma Jisu mangko hutkatrãng tientumli heh khoakhêm wah. Mosa Niemma ngat junko thinmin Pientông jâko boantong rewah.