Read Nocte Naga Rom 1 Bible Online

Rom 1 - Nocte Naga bible

Rom 1

¹Jisu Krista haa ngale Joban ma ate nginkongsen phoangthô rãng rênwah moattat chhoante, Pol ma raangeka.

²Ngingkongsen pa Joban ma ate mõng heh junma khema thuma toamhôan wah, erepa Asâthôan Joban nyapraang nâng raangeka.

³Arepa ate Chha, nãng Teso Jisu Krista junma hôanwah: atea phoangpa mihnyan nyuchha rãngrãng, Devit pôali wah hôngchhatwah;

⁴roh-komin atea Asâthôanju junma, ritwah ngakhinsiet lahma Joban Chha ngama khesokwah.

⁵Ate junma Joban ma nga Jisu Krista moattat chhoante dangthuk ehang, erepa chentô diak akan wah mihnyan heh Jisu Krista nâng putedâlemte ngale ate ngin kepte dângthukrãng ren ehang.

⁶Areko ne Rom wah sôngte hehmin roam eken, Joban ma nemin Jisu Krista rãng dângrãngma rooehèn.

⁷Ngale erohwah Ngama Rom wah sôngte nekhu chentô nâng raangeka, nekhu nâng Joban ma hun ehèn ngale atedede mihnyan dângrãng rooehèn: Nãng Wa Joban ngale nãng Teso Jisu Krista ma nenâng mînchenchaan ngale mêmo chenkohhèn.

⁸Khebeng thôanko, Ngama nga Joban nâng Jisu Krista junma nekhu chentôrãng dangkoh a ngaekang, chenrãngma ngako rangkhen phangtangma ne putedâlem nginpa tateka.

⁹Joban ma ajet, ngama toangtang jabekang - are Joban ko Ngama ate Chha Nginkongsen pa phoangthô lekma ngahung phangtang koh lekma soamtô ekang. Joban ma ajet ngama

¹⁰rangsoam roakweih nekhu thônghunjû. Ngama Joban nâng rosep ekang ate hungsi medang ako athângheh nekhu demnâng chenmam chohmîn thukhang.

¹¹Ngama nekhu chohmîn nyahrãng huneka, chenrãngma ngako Joban Juma rangkoh ehi heh nekhu demnâng roam lekma nekhu rôngsiet huneka.

¹²Ngama ngaekangpa nãngkhu dede chohsûmîn e ngama ngaekang, nga putedâlem pumma nenâng chohsû, ngale ne putedâlem pumma nganâng chohsû remîn e.

¹³Ngalemruchha heh, ngama arepa jetthuk huneka, nga netânâng chohmîn hokrãng ajahthem themawa wah, rohkomin roantangma chenma komin chitâng chibengthuk ehang. Ngama Jews ledangte heh chenroh putedâlemte rãng dangthuktek a ererãngrãng nekhumin dângthuk huneka.

¹⁴Ngama chentô mihnyan nâng sokaremin, Griik nângmin, Griik ledangte nângmin, nyapjet nyapjien nângmin, nokba nângmin sokare min.

¹⁵Erohwah, ngama Nginkongsen pa Rom wah sôngte nekhu nângmin thôkoh huneka.

¹⁶Ngama Nginkongsen ko nyahrãng dâlem ekang; arepa chentô putedâlemte heh pepâng thin Joban chaan, khebengko Jews heh ngale Jews ledangte hehmin.

¹⁷Joban ma mihnyan heh ate demnâng chenroh toangtang dangthuk eka erepa Nginkongsen pumma khesok eka: erepa abengma athôan kotuk putedâlem junma dângmin. Joban nyapraangma ngaeka, “Hen Joban demnâng toangtang dangeka ereheh Putedâlem junma hînmin.”

¹⁸Joban rinkhah pa rangkhethung wah chentô mihnyan pap ngale achhih erediko mihnyan hehma moatlem chhih moatjunko toangtang pa lejetthuk thangma dangeka heh lelatnâng kaera.

¹⁹Joban ma thinnâng chêmthuk eka, chenrãngma ngako, thinma Joban junma senthemthem jetwak a, erepa Joban ate dedema thinnâng jetthuk eka.

²⁰Joban ma hahtokkhoh benghôan thuma ate ngewah mitma lekheli roantangrãng chaan, ngale atea linlin Joban ngama senthemthem khe eki; Joban ma hôaneka chhahkhem heh junma thinma jeteka. Erohwah are mihnyan hehma map lechohmin!

²¹Thinma Joban jet a, rohkomin thinma atenâng chenroh soangraang thin a eroh soangraang mah, dangkoh a min ngamah. Erenoma, thinhung phangtang bajâ tah, ngale thin kheri sekhota pemin phangtang rangnyek ma lumeka.

²²Thinma thin a jet ajien ngama ngariieka, rohkomin thin a aba;

²³Chenthumin leriite Joban nâng soam noma, thinma mahritte mihnyan, ngale juhchhu wochha, ngem angah, kupchhang phanphe moangachaang rãngrãng hôan lahma soam eka.

²⁴Ngale erohwah Joban ma ere mihnyan heh thinhung nâng achhih heh thonghun thuk lahma kaamchhih moatrãng thinphe eka, ngale thindede tungko rêsêli kaamchhih heh moeka.

²⁵Thinma Joban toangtang pa mothô rãng litdang thuk eka; ngale Têm atiakte ko soamtô noma Joban ma hôantah hehnâng soamtô eka, atenâng jôba roangtang roanjêngma rômin! Amen.

²⁶Thinma eroh moatdi, Joban ma thin hei angem hungnâng chenroh rêsêli moat huneka eroh moatrãng thinphe eka. Erohwah dihiak hehma khô alemko ledangma dihiak rôande kaamchhih moeka.

²⁷Ererãngrãngjô dela hehmin dihiak demnâng khô alemko ledangma dela rôande kaamchhih moat hun ma hei angemko wenriieka. Dela hehma thinrôande rêsêli kaamchhih moeka, erohwah kaamchhih moattha thindede khohko thinma chêmchei pa choh eka.

²⁸Chenrãngma ngako, ere mihnyan hehma Joban toangtang nginpa thinhung nâng thien hunmah, atema ere mihnyan hehnâng achhihli thonghun thuk eka, erohwah thinma chenpa lemolia erepa moeka.

²⁹Thin hungnâng chentô chhihli heh mênchong tongeka, mihhen, chhah nyoak, mangdâ; mihnâng phetwan, mihritphe, men ahiet, mih diapchhah, ngale pong apa. Thinma mih chhihthô rewak eka

³⁰ngale thindede tungko chhihthômîn; Joban nâng chinnya, ngam apoarit, ngam poapoa, rângthôrit; thinma kaamchhih moatjû thonghun wakeka; nyong awa nginmin kepmah;

³¹Thin a aba; ngale thinma toamsem eka pemin kepmah, ngale thinma mihnâng mînchen chohsok aho.

³²Joban niemarang ma aroh sôngte mihnyan heh arit rêmin ngaeka ngamemin thinma ajet. Rohkomin, thinma eroh moatlolo ledang, ererãngrãng mihma memo akomin thinma asen ngaeka.