Read Nocte Naga Rom 10 Bible Online

Rom 10 - Nocte Naga bible

Rom 10

¹Ngalemruchha heh, Ngama ngahung ngarin phangtang khenwah nga mihnyan heh kho chenmam pea ngama thonghun ekang! Ngale Ngama thinrãngma Joban nâng rangsoam koh ekang!

²Ngama nenâng linlin thôkoh eka thinma Joban nâng nyahrãng lulili huneka; rohkomin erepa toangtang lemkhô junko dangmah.

³Joban ma ate demnâng mihnyan heh chenroh toangtang jiendang thuk eka ere lemkhô pa thinma jetmah, phumma, thindede hungsima Joban demnâng toangtang dângrit hunwak eka; ngale, Joban ma mihnyan heh ate demnâng toangtang dangthuk eka lemkhô pemin thinma kephunmah.

⁴Chenrãngma ngako Krista ma Niemarang pa lâthôansiettah, erohwah henhenma atenâng putedâlem eka ereheh Joban demnâng toangtang dangthuk eka.

⁵Mosa ma Niemarang pa keplihma Joban demnâng toangtang dângmin ngama raangwah: “Henhenma Niemarang hôkum pa kepeka ereheh hînmin.”

⁶Rohkomin putedâlem junko Joban demnâng toangtang dângjunma Joban nyapraangma aroh ngaeka: “Rangkhethung nâng henwângmin a, ngama nedede nekchhienrii en?” (eroh mechhienrii enko, erepa Krista jâsiet eken).

⁷“Ngale hahken khennângmin henkatmin a, ngamemin nekchhienrii en?” (eroh mechhienrii enko, erepa Krista ritwah satsiet eken).

⁸Arepa chennâng ngaeka: “Joban nginpa nãng kêko tonga, ngale nãng thunko, erediko nãng hungko tonga” - erepa nima putedâlem ngin thôkoh eka.

⁹Nema Jisu pa Teso ngale Joban ma atea ritwah ngakhinsiettah ngama meputedâlem enko, nekhu kho etape en.

¹⁰Chenrãngma ngako, nãngma putedâlem junma Joban demnâng toangtang dangthuk ehi; ngale nãng thunma hôngjab junma khope eki.

¹¹Joban nyapraangma ngaeka, “Henhenma atenâng putedâlem eka erehehma chenthumin rêsê lechohmin.”

¹²Arepa chentô rãngma ngaeka, chenrãngma ngako, Jews ngale Jews ledangte heh phangtang mãnthe; Joban pa anga ngarãng Teso tuta ngale henhenma atenâng rooeka ereheh phangtang nâng atema ajahthem rangkoh eka.

¹³Joban nyapraangma ngaeka, “Henhenma Teso nâng pepângrãng rakrooeka ereheh phangtang pemin.”

¹⁴Phumma thinma atenâng leputedâlem medang ako pepânghi ngama chenroh jienroomin a? Ngale thinma nginpa lechohtat medang ako atenâng chenroh jien putedâlem min a? Ngale nginpa lephoang thôkoh medang ako thinma chenroh jienchohtat min a?

¹⁵Ngale nginpa chenroh jienphoang thôkohmin a nginmatte pa lechienchhoan medang ako? Joban nyapraangma ngaeka, “Nginkongsen keplahma nãngnâng thôkoh rãng nginmatte hokpa chentôsên a!”

¹⁶Rohkomin chentôma ere Nginkongsen pa kepmah. Isaia ma ate dedema ngatwah, “Teso, nãng nginko henma pute eka?”

¹⁷Erohwah, Nginkongsen pa chohtat phumma putedâlem pa hongeka, ngale Krista junma phoangthôkoh phumma Nginkongsen pa chohtat eki.

¹⁸Rohkomin Ngama thôngpha eka: Linlinjô thinma Nginkongsen pa chohtat hone? Thinma chohtattah - chenrãngma ngako Joban nyapraangma ngaeka: “Thin jabkhab kahra pa hahtokkhoh phangtangma khêmtattah; ngale thin jabkhab pa rangkhen hahtokma khêmtattah.”

¹⁹Eredikomin ngama thôngphâ wah: Isrial mihnyan hehma jetlo hone? Phumma Mosa pa khebeng thôan danthang eka: “Nga mihnyan hehma chenphetwân a ngama arerãngrãng diak wanthe ekep ang; ngale are aba diak junma ngama nga mihnyan heh rin ekhahthuk ang.”

²⁰Ngale Isaia ma lechêm cheithangma hôngjabwah, “Nga a ngalêmsokte ledang hehma chohlem ehang; ngale Ngalêmte ledang mihnyan heh tânâng nga hongekang.”

²¹Rohkomin Isrial hehrãngma atema ngatwah, “Rangngih ngihliangma nga deklaang lekma ngin lekepte ngale mihnyan chhih heh roorãng tongekang.”