Read Nocte Naga Rom 7 Bible Online

Rom 7 - Nocte Naga bible

Rom 7

¹Ngalemruchha heh, ngama chenni ngatrãng ngaekãnga erepa nema linlin ejet en, chenrãngma ngako nekhu phangtangma niemarang pa ajet. Mihnyan pa chentô lekhin eka eretôko jôba niemarang pumma ate khohko etapên a.

²Chenjô komin, dela nâng wãngchoan dihiaknyu pa ate tangwa pa mariiriiko niemarang junko ate tangnyu jôba dângmin; rohkomin ate tangwa pa rit mereako, ate tangnyu ngama khhek lahma thien eka niemarang kowah tasâa.

³Erohwah, ate tangwa pa ahîn thuko dela ahan demnâng merôamsong ako, atenâng, mihdela demnâng kaamchhih moatte dihiaknyu ngama ngatmin; rohkomin ate tangwa pa rit mereako, atea niemarang junko dihiak lãn atâ lâdangtah, ngale dela ahan demnâng methe ngakkepmîn ako atea mihdela demnâng kaamchhih moat dangmah.

⁴Ngalemruchha heh, eroh jôba nekhu demnâng min dângmin. Niemarang junko methôeko, nemin lâriitet, chenrãngma ngako, nemin Krista phoang wah jôba; ngale ade phumma ritwah ngakhînte rãng jôba dângmin, ngale erohwah nãnga Joban moatlem nâng asen dângmin.

⁵Chenthu nãng mihnyan hei angem hung arin junko sôngtông poatko, Niemarang pumma nãnghung nãngrinko papmoatlem moatthukwah, ngale ere papmoatlem pumma nãng phoangpa pênlahma dângwah, erohwah nãng moatlem junko rit rewah.

⁶Ade phumma, nãnga Niemarang kowah lâpe chhoantih, ngale nãng phâtek nâng khhek wah rãngrãng khhekthienthi niemarang pãko lâriitih. Ade phumma nãngma dekma raangwah niamarang apã pa lekeptûmin, Ju ngewah niemarang nyan pa keplihma ba Joban nâng soamtô min.

⁷Eroh medang ako nãngma Niemarang pa pap lengaea? Pap dangmah! Rohkomin pappa chennia erepa nganâng Niemarang pumma jetthukwah. Niemarang pumma, “Mihthiak nâng nekphetwan,” lenga nomako, Ngama aphetwan pa lejetmin wah.

⁸Rohkomin ere hôkum junko pap pumma ngahung khenwah hei angem ma rongrup chhihli thônghun heh hongsiet eka. Niemarang pa aho medang ako, papmin riichoan thãthã jôba.

⁹Ngamin Niemarang aho thangma rekthe ahîn dângwah; rohkomin chenthu hôkum pa hokphumma, pap pemin ngakhin eka,

¹⁰ngale pap junko nga rit re ekang. Ngale hôkum pa roandông kohrãng ngama dângwah, rohkomin ngarãngma dangeka ere hôkum junko rit re ekang.

¹¹Pap pumma hôkum pa keplahma nga basiet ehang, ngale ritphe re ehang.

¹²Rohkomin, Niemarang pa asâ, ngale hôkum pemin asâ, toangtang ngale asen.

¹³Phumma chenrepa asen ngaekia erepumma nãngnâng rit kephukoh ehia? Erohmin dangmah! Rohkomin chenrepa asen a erepa keplahma nganâng pap pumma rit pa kephukoh ehang, ngale erepa linlin pappa jienkherãng moeka. Ngale hôkum junko pappa nyahrãng cheili chhih ngama khesok eka.

¹⁴Nãngma ajet Niemarang pa Joban ngewah; rohkomin nga dangekang ritte mihnyan, ngale papnâng haarãng seng ehang.

¹⁵Ngama chenni moekanga erepa jetmek; chenrãngma ngako ngama chenni moatthin a erepa ngama momek, rohkomin erenoma chenni lemothin a erepa moekang.

¹⁶Phumma ngama chenni moekanga erepa ngama chenpa lemothin a erepa moekang, erejunko ngama Niemarang pa toangtang ngama johru lekma khesok ekang.

¹⁷Ngale linlinko areheh moattepa nga dangmek; erepa ngasekkhen wah tongeka pap pumma moeka.

¹⁸Ngama jet ngasekkhen ko asenpa aho - erepa nga mihnyan hei angem phoang khenko aho. Chenrãngma ngako asenlipa moatrãng mehun angkomin, ngama erepa tamomek.

¹⁹Ngama chenre asenli moatlem moathun ekanga erepa momek; erenoma, ngama chenre pa lemothin chhihli moatlem a erepa moekang.

²⁰Ngama chenpa moat lehun dangekanga erepa memo angko, ere moatlem moatte pa nga dangmek; erenoma erepa nga sekkhen wah tongeka pap pumma moeka.

²¹Erohwah ngama are niemarang pumma moatlem molahma khe ekang: Chenthu ngama asenlipa moat mehun angko, chenre pa chhih a erepa ngama chiren moekang.

²²Ngahung ngarin khennâng Joban niemarang demko khuhah ekang.

²³Rohkomin ngaphoang khenko niemhan molahma khe ekang - ere niem pumma ngahung ngarin ma asen ngama ngaeka demko mênmîn re eka. Ere pap niemarang pumma nga phoangko molahma phâtek nâng khhekritte rãngrãng hôan ehang.

²⁴Nga a chentô khengraangchhih mihnyan a! Are nga ritphete phoang kowah henma pepâng hanga?

²⁵Teso Jisu Krista junma are moatlem moatte Joban nâng dangkoh a ngaekang! Ngale erohwah: Ngahung ngarin ma Joban niemarang pa kepekãng, rohkomin nga mihnyan hei angem phoang pumma pap niemarang pa kepeka.