Read Nocte Naga 1 Korint 16 Bible Online

1 Korint 16 - Nocte Naga bible

1 Korint 16

¹Ade dangeka, Judia wah Joban nâng putedâlemte hehrãngma ngunse junma siti nâng raangletma thôngphâ pa dangeka. Ngama Galatien wah Asâthem hehnâng chenroh thôkotek a ererãngrãng nememin metkep mo en.

²Nema chentô chohbii eken a erejunko dobatjâ roakweih ngunwah roanruse en, ngale erepa khôanthien en, eroh koba chenthu nga netânâng hokko lesetu edangen.

³Nga netânâng hokdiko, nema ren eken mihnyan hehnâng siti wah raangko lekma, nema khôansetet ngunheh katkohrãng Jeroselem nâng echienkat e.

⁴Ngamin enâng katpa asen medang ako, thin a nga demnâng min eta johka ra.

⁵Nga Mesidonia ngenâng katdiko nekhu tânâng ehûrâng - chenrãngma ngako nga a Mesidonia ngenâng katmêngmin.

⁶Nga chenroh mekomin nekhu demnâng sanpoat poatthe ejoh tongka a, ba rangpâ pâtang memin eta johtongka a, ngale erediko nga chennge nâng chhoanrãng ngaekanga enâng chhoanko nema tachohsuha.

⁷Nga nekhu demnâng adankhoam nungma chohmînthien pa hunmek; Teso hungsi medang ako, Nga nekhu demnâng rangwolo johtông hun ekang.

⁸Pentikos rangwojâ tôko landangroh nga a anâng Ifisus nâng tôngmin.

⁹Nga lelatnâng mihnyan heh ajahjô medang akomin, linlin danglekma ngama Joban moatlempa anâng nyahrãng adong ngale asen moatrãngma sanpoatsen choh ekang.

¹⁰Timothi netânâng mehûrako, nedemko senthemthem tãngroo en, chenrãngma ngako ate memin nga rãngrãngjô Teso rãngma moeka.

¹¹Henmemin atethã nekjõ en, erenoma ate ngakchhoan ko nema chohsû letma senthemthem mêmoma chienchhoan en, erohkoba atea ngatânâng engak hûra; chenrãngma ngako atema putedâlemte heh sietlahma ngatânâng ngakhok pa bemla ekang.

¹²Ade dangeka, nãngpho Apolo rãngma dangeka. Ngama roantangma atenâng putedâlemte heh sietlahma netânâng hokrãngma rângthôkoh ang, rohkomin are sanpoatko atema netânâng hokrãng senthemthem mehun eka . Rohkomin chenthu atema sanpoat pa mechoh tahko nekhu tânâng ehûra.

¹³Jetletma dangen, putedâlem nâng rongtêngtêng, hungdongdong, ngale lechei thangma dangen.

¹⁴Ne moatlem chentôpa hunmin letma mo en.

¹⁵Nema Stifen ngale ate humte tangkâ heh jet en; thin a Akaia wah khebeng thôan Kristan rãng litdangte, ngale thin dedema Joban nâng putedâlemte mihnyan hehnâng sûare lahma tongeka. Ngalemruchha heh, ngama nenâng rosep eka,

¹⁶ererãngrãng mihnyan heh dijun en, ngale thin demnâng roamlahma moat akatte mihnyan heh rãngrãng dangen.

¹⁷Nga a Stifena, Fortunatas, ngale Akhaikas heh ngatânâng hokphumma khuhah ekang; nea nga demnâng ahojô medang enkomin nelitko thin lâhûtha

¹⁸ngale thinma nekhu hung senthukthen rãngrãng ngahung lâsen thukthang. Arerãngrãng mihnyan hehnâng dangkoh a ngatmin.

¹⁹Asia diakwah Asâthem hehma nenâng thin salem matkat ehèn; Akuila ngale Prisila, ngale thinhum wah khôante Asâthem hehmemin ahun Kristan salem nenâng matkat ehèn.

²⁰Anângwah chentô putedâlemte hehmemin salem koh ehèn. Joban mînko deksit pekmîn letma salem kohmîn en.

²¹Are sitipa ngadede dekma raang ekang: Pol ma salem koheka.

²²Henhenma Teso nâng hunmah a - ereheh khohnâng achhih ehûa! Maranatha -Teso karoo!

²³Teso Jisu mînchenchaan pa nekhu demnâng chentonghèn.

²⁴Jisu Krista mînko ngawah hun achet nekhu anga nga demnâng chentonghèn.