Read Nocte Naga 2 Korint 4 Bible Online

2 Korint 4 - Nocte Naga bible

2 Korint 4

¹Joban ma mînchen junko nãngnâng are moatlempa mothuk ehi, ngale erohwah nãngma hungchha arinchha ledang thangma moe.

²Nima chentô moatlem chhih ngale rêsê thângli moatlem heh achhih ngama lâphetih; nima mothô khoanglep danglihma momih, ngale nima Joban jabkhab pemin mothôrãng litsiet lihma thômih. Joban demnâng ate wenphiakko toangtangma songtong lihma anga nga hung arin junko asen tuta chenta dange ngama thonghun lihma moeki.

³Chenrãngma ngako nima phoangthôeki Nginkongsen pa chenni mekomin metangbîn ako, erepa ju kho lepete mihnyan hehnâng ba tangbîn eka.

⁴Thinma chenrãngma leputedâlem rewak eka ngako, thinhung arinpa are hahtokkhoh kowah joban chhih pumma rangnyek nâng thien junko leputedâlem rewak eka. Ngale thin a joban chhih pumma linlin Joban rãngrãng dângte Krista mîndông Nginkongsen wen kowah thinkhoh nâng phiakkat ekapa khethuk mah.

⁵Chenrãngma ngako arepa nidede ngin phoangthô dangmih; Nima Jisu Krista pa nãng Teso ngama phoangthôeki, ngale nikhua Krista mînko nekhu haa ngama phoangthôeki.

⁶Joban ma, “Rangnyek khenwah wenphiak ehong phiakkatra!” ngama ngatwah, phumma ere Joban kowah phiak pa jôba Krista thhenphãng ko phiak eka ngama nãngnâng jetthukrãng ate wenphiak pa nãnghung khenko phiakkat thuk era.

⁷Rohkomin chentô noma adongthôan chaanpa nãngnâng dangmahhi, erepa Joban ngenâng ngama khesokrãng, nãngma Jupa hahtit nâng sekwah rãngrãng thien eki.

⁸Nia roantang chêmcheijû, rohkomin chhihjâmih; poatpoat theko chenroh moat akatmin a ngama rângtûng maange, rohkomin hung mahphemih;

⁹nãng ranmin ajahthem tonga, rohkomin lemruchha aho dangmih; ngale poatpoatthe ko nyahrãng rângboanjâe, rohkomin mahjâmih.

¹⁰Sanpoat roakweih nima ni hei angem phoangko Jisu hènlihma tongeki, eroh junko jôba Jisu roandông pemin ni phoangko ekhehi.

¹¹Ni roandông dôngtang Jisu mînko riinemnemjû tongeki, eroh junkoba ni hei angem roandông komin ate roandông pa ekhehi.

¹²Are junko rit pa nikhohnâng hûera, rohkomin, roandôngpa nekhuma choh eken.

¹³Joban nyapraangma ngaeka, “Ngama putedâlem lekma jabekang.” Nima min ererãngrãng jôba putedâlem lihma jab eki.

¹⁴Nima ajet Teso Jisu Krista ritwah ngakhînsiette Joban ma, nimin Jisu demnâng ritwah johhinsiet lahma nekhu demnâng aroamma ate tânâng esietwênhi.

¹⁵Are chentôpa nekhurãng sênrãngma dangeka; ngale Joban mînchenchaan pa mihnyan jahmõang nâng koheka, erohwah thinma Joban nâng ate mîndôngrãng dangkoh a ngat rangsoam pa ajah esoamwak a.

¹⁶Erohwah nihung chenthumin chhamih. Ni hei angem phoangpa arere mejô methôan sanjâ hikomin, Jupa rangwo roakweih anyan dangeka.

¹⁷Ngale nãngma athâng wah amãnchha sanpoat rãng chemchoh eki pumma, athâng wah chemchoh ko tâthakli ledangdông roantang roanjang rãng khuhah ekep hûkohhi.

¹⁸Chenrãngma ngako nangma mitma khelinâng ledang mitma lekhenâng hung kohlihma tongeki. Chenpa mitma khe ekia erepa sanpoatthe rãngba khe eki, rohkomin chenpa mitma lekhe a erepa roantang roangjêng rãng.