Read Nocte Naga 2 Korint 7 Bible Online

2 Korint 7 - Nocte Naga bible

2 Korint 7

¹Ngalemruchha heh, are chentô toamsem ekapa nãngkhu demnâng sem ehi. Erohwah, nãngphoang ngale nãng Ju ngeksietthin chentô hehwah sâpoangpoang danglihma tonge, ngale Joban ran chei lihma sâpoangpoang danglihma songe.

²Nehung nâng nirãng thewah hôankohhi. Nima henrãng memin machhih mokoh eki; ngale nima henmin machhihsiet eki, erediko hennâng min mathat diapchhah eki.

³Ngama arepa nenâng chhihthô lekma jab dangmek; ngama amako ngatek rãngrãng, nima nenâng nyahrãng huneka, ahîn medang ekomin, ba ritjô mere ekomin nãngkhua roantangma aroam.

⁴Ngama nenâng nyahrãng dâlem eka; Ngale Ngama nekhu nyahrãng rângthôeka! Ni chentôjô mechêm ekomin Nga hung dongdong danglekma tongekang; ngale Nga nyahrãng khuhah nâhah dangekang.

⁵Nia Mesidonia nâng hokdikomin bôantông sanpoat lechoh dângwah. Ngale chentô thenâng chêmchei, mihdemnâng mênmîn lolo dângwah, ngale nihungnâng cheipa dang rewah.

⁶Rohkomin acheite mihnyan heh hung dôngsiette Joban pumma nitânâng Titas chienkat lahma nihung dôngsietwah.

⁷Nia ate hok junma lolo khuhah ledang, nekhuma ate hung dongsiettet ngin heh atema thôkoh phumma khuhahwah. Nema nga chentô khehun eha, ngale nema chhihmotet hehrãngma chentô ngakchhih thonghun eken a, ngale ngarãngma chentô sekmah patrii eken a, erengin hehmin atema nganâng thôkoh thang; ngale erohwah nga ade phumma ajahthem khuhah nâhah lâdangtek.

⁸Ngama raangtah siti pumma nehung mekethuk hèn komin, Ngama ere sitipa raangdi chhihthong hunmek. Chenthu are siti pumma nehung poattherãng kethuk lahma khepoat koba nga hungmin echhih ang.

⁹Rohkomin athângheh Nga khuhah ekang - ngale Ngama nekhu hungkê thuk junko dangmah, rohkomin nehung chhih junko asen ngenâng hunglitthuk ehèn, erohwah nga khuhah ekang. Nehung pa Joban ma huneka junko chhih eken, ngale erohwah nima nenâng chêmsiet dangmah.

¹⁰Chenrãng-ma ngako Joban ma huneka junko hung mechhih eko nãnghung pa asen ngenâng engaklitsiet hi, ngale eroh hunglit junko jôba khope eki - ngale ererãngma hungkê thin dangmah! Rohkomin mihnyan nyuchha hei angem hung arin junko hung mechhih eko rit rêmin.

¹¹Sûtan en, Joban ma huneka junko nehung chhihdi Joban ma chenni moeka: ere junko ne nyahrãng sâthâng huneken, ngale papwah nyahrãng sârit huneken! rinmin khah eken, acheimin re eken, nyahrãng hungkoh letma moathun eken, ngale kaamchhih moatte hehnâng phheksiet nâsiet hôanmin huneken! nema are chento moeken pa achhihmoat dangmih ngama jetthuk ehèn.

¹²Erohwah, Ngama ere sitipa nenâng raangwahjô medang angkomin, kaamchhih moatte wathe junko raang dangmek, ba henrãng chhihmo kotah a ere watherãng raangmin dangmek. Rohkomin, Joban junko nema ninâng linlin dangletma chentô hungkoh ehia erepa chenlepjet en ngama raangwah.

¹³Ere junko jôba nihung dongeki. Ni hungdông lolo dangmah; Nekhu anga ngama Titas nâng chohsok junko ate rinroan pa khelihma nimin ajahthem khuhah nâhah dangeki!

¹⁴Ngama Titas nâng nekhu nyahrãng rângthôtah, ngale erengin pa linlin jôba ngama nekhuma atenâng khesok eken. Nima nenâng roantang toangtang ngin thôkoh eka, ngale ererãngrãngjô nima Titas nâng nekhu rângthô tahpa toangtang jôba ngama khesok eken.

¹⁵Ngale atema nekhu nâng rîn akhah thenheh nema khuhah nâhah keptet pa thonghun lahma, erediko nema atenâng hun ngale chei nungma tãngrootet heh thonghun lahma Titas ma nenâng hun achet pa nyahrãng dongeka.

¹⁶Nga nyahrãng khuhah nâhah dangekang chenrãngma ngako Ngama nekhu nâng nyahrãng ladâlem tah!