Read Nocte Naga 2 Korint 8 Bible Online

2 Korint 8 - Nocte Naga bible

2 Korint 8

¹Ni lemruchha heh, Joban ma ate mînchenchaan pa Mesidonia wah Asâthem hehnâng chenroh kohtah a erengin pa nima nenâng jetthuk huneka.

²Thin khohnâng nyahrãng chêmchhih hûlahma thinhung thattôan wah. Rohkomin thin a nyahrãng tangchhihjô medang akomin, thin a nyahrãng khuhah nâhah dângwah, ngale thin a nyahrãng chhahme dângwah.

³Ngama nenâng nginlinlin thôkoh eka, thinma chentô takoh eka eretô kohwah, ngale thinma chentô taeka ere nomemin ajah kohwah. Ere pemin thindede hungsima kohwah

⁴thinma Judia wah Joban nâng putedâlemte mihnyan hehnâng nimemin chohsûe ngama ninâng depdep roatsep wah.

⁵Erepa nima thonghuntih nomemin adong dângwah! Khebengko Teso nâng thindede roandôngpa bengkohrit wah; ngale erediko Joban hung junko thin roandôngpa thin dedema ninângmin kohwah.

⁶Ephumma are ahun moatlempa nenâng beng hethôte Titas nâng nima mata tamo atema nenâng chenchohsû hèn ngama chien eki.

⁷Nea chentô nâng asen: Putedâlem nângmin asen, jab ajâ nângmin asen, jet ajien nângmin asen, ngale mihnâng chohsokhun nângmin asen, erediko ninâng hun pemin asen. Ngale nema are mihnâng chohsok moatlem moat komin chhahme dangen ngama huneka.

⁸Ngama moatmin jôba ngama khetlomah. Rohkomin ahan hehma mihnâng chohsok atô huneka ngamaba khesok lahma, ne hun achet pemin chenroh a ngama jetrãng khesok eka.

⁹Nema nãng Teso Jisu Krista mînchenchaan pa jet en; atea nyahrãng techhu dângwah, rohkomin ate dedema tangchhih rãng hôanritwah, erepa ate tangchhih dângjunko nea techhu dângthuk rãng ngama atea tangchhih rãng litdângwah.

¹⁰Ngama hunjunko, nema menpa rangpâwah bengmotet moatlempa athângheh merâmo enko asen edanga ngama thonghun ekang. Nea abengkohte lolo dangmet, rohkomin nema hungrinma hunletma bengkoh eken.

¹¹Erohwah nema bengmotet moatlempa arâmoat re en! Nema chenroh thonghun letma moatrãng cheptet a ererãngrãngjô râmoatrãng memin thonghun en, ngale athângheh nenâng chenni tonghèn a erehehma mo en.

¹²Nema hung arin senma mekoh enko, nema chenni cheiletma kohken a erejunko Joban ma echohtha hèn, chenni pa nenâng ahoa erejunko sûmah.

¹³Ngama ne chêmsiet lahma mihnâng chohsokhun dangmek; rohkomin athângheh sanpoatko nenâng ajah tonghèn, erohwah nema chenjô ahote tangchhih hehnâng chohsokpa asen ngama hun ekang. Eroh koba chenthu nenâng chenjô aho dângpoatko, thinnâng ajah metong ako thinmemin nenâng eta chohsû hèn. Eroh medang ekoba anga nga khoaktheko edange.

¹⁵Joban nyapraangma ngaeka, “Henma ajah khôanjôan eka ate nângmin ajah aho, ngale henma amãnchha khôanjôan eka, ate nângmin amãnchha dangmah.”

¹⁶Nima nenâng chenroh chohsok huneka ererãngrãng Joban ma Titas nângmin hun thukdi Joban nâng dangkoh a ngaeki!

¹⁷Nima atenâng roatsepko lolo nyoak ledang; atedede hung arinma hunlahma netânâng katrãng chepwah.

¹⁸Nima ate demko nãngnaa wathe johchienkat erii, atema chentô Asâthem hehnâng nginkongsen phoangthôkoh junko chentô Asâthem hehma atenâng nyahrãng huneka.

¹⁹Ngale ere lekojô, atea Asâthem hehma nidemnâng chohsê pa johhên chhoan kohrãng rênwah, ere chohsê pa Teso mîndông sietrãng, ngale nima hung arinma hunlihma chohsok huneki ngama khesok rãngma moatwah.

²⁰Nima hung arinma hunlihma chohsok moatlem moeki pa mihma nekchen chhihthô ehi ngama nyahrãng jôjetma moeki.

²¹Nima chenpa asen a erepa lolo jôba moeki, erepa Joban mitsokko lolo asen ledang mihnyan heh mitsok komin asenli pa moeki.

²²Erohwah nima thin demnâng nãngnaa johchienkat eri; Nima ate hung pa depdep lâthatsû tantih, eko asen ngale roantangma nenâng chohsok hunjû kheki. Ngale athângheh atema nenâng nyahrãng dâlem ehèn, erohwah atema nenâng chohsokpa nyahrãng hun ehèn.

²³Titas dangeka, nga demnâng aroamma danglahma nenâng chohsok moatlem johmoatte lemru; ngale ate demwah johka era nãngnaa heh dangeka Asâthem heh mînko kaera, ngale thinma Krista mîndongsiet eka.

²⁴Nema thinnâng hun letma khesok en, erohkoba thinnâng nima nekhu rângthô tahpa linlin ngama ejetwak a.