Read Nocte Naga 1 Thisalonika 4 Bible Online

1 Thisalonika 4 - Nocte Naga bible

1 Thisalonika 4

¹Lemruchha heh, Chenrohma Joban rinhung sênli roandông jiendôngmin a erepa nema niwah lâhethi. Adângte nea erohjô songtong letma dângwah. Ngale athâng hehmin nima nãng Teso Jisu Krista mînko nenâng erohjô ajahjah Joban rinhun sênli songtongen ngama rosep eka.

²Chenrãngma ngako, Teso Jisu Krista chaanjunko nima nenâng rîn akhah tahheh nemajet.

³Joban ma nea Sâpoangpoang chendanga, ngale dihiak dela tungko kaamchhih lemo thangma chentonga ngama hun ehèn.

⁴Nekhu anga ngama mâmâ tangnyu demnâng chenroh asâ ngale asen ma sôngtôngmin a erepa jet en,

⁵Joban lejette papi mihnyan heh rãngrãng nekphoang phetwân en.

⁶Erediko, nelemru Kristan ahan hehrãng memin nekchhih mokoh en, ngale nekdiapchhah en. Are nginpa nima amakomin thôkotah, ngale ademin thethô koheka, henhenma ererãngrãng kaamchhih moeka ereheh nâng Joban ma metkep chêmsietmin.

⁷Joban ma dihiak dela kaamchhih molihma sôngrãng roo dangmahhi, sâpoangpoang sôngrãng rooehi.

⁸Erohwah, henhenma are hethôeka nginpa dan eka erepa mihnyan ngindân dangmah, nenâng ate Asâthôanju kohte Joban ngin dan eka.

⁹Wathema wathe nâng hun achhâmîn en ngama nenâng chêmraang thin dangmah. Nekhuma wathema wathe nâng chenroh hun achetmîn min a erepa Joban ma hethôthen.

¹⁰Ngale linlinjô nekhua Misidonia wah chentô Joban nâng putedâlemte mihnyan heh demnâng erohjô hun achhâmîn letmatong eken. Lemruchha heh erohwah, nima nenâng ere nomemin ajahjah hun achhâmîn en ngama rosep eka.

¹¹Ngale nima amako nenâng chenroh thôkotah a ererãngrãng, mêmo dangletma mâmâ moat akat, ngale mâmâ wok apuk biphhek chhah reletma songtongen.

¹²Eroh dangletma mesong metong enkoba Joban nâng lepute dâlemte mihnyan hehma nenâng edâlem hèn ngale neran echeiwak a, ngale nema chenni lemeken a ereheh rãngmemin mihnâng ledâlem etadangen.

¹³Lemruchha heh, riichoante mihnyan heh junma toangtang nginpa nenâng jetthuk huneka, erohkoba Joban nâng putedâlem ahote mihnyan heh sekmah patrii eka rãngrãng nea lesekmah patrii edangen.

¹⁴Nãngma Jisu Krista riilahma ngakhintah ngama putedâlem eki, ngale henhen Jisu Krista nâng putedâlem lahma riieka ere mihnyan heh Joban ma Jisu demnâng engakhinsiet a ngama putedâlem eki.

¹⁵Nima athângheh nenâng chenni hethôeka erepa Teso ma hethô wah ngin: Nãngkhuwah henhen Teso ngakkat jâko ahînma tongla ekia ereheh riichoante heh noma khema ledangmin.

¹⁶Joban ngintatte adongthôan pumma ehongrak a, ngale Joban ngewah poakpopo pa rahmet erea, ngale rangkhethung wah Teso atedede ekara. Henhenma Krista nâng putedâlem lahma riitah a ereheh khebeng engakhin a;

¹⁷erediko ere sanpoatko ahînma tônglâte nãngkhu Teso demnâng pongwutnâng chohmînrãng thin demnâng phoamkhoh nâng ekhôansiet hi. Ngale nãngkhu roantang roanjêngma Teso demnâng tôngtumin.

¹⁸Erohwah, are jabkhab pumma wathema wathe hung dongsietmîn letma tongen.