Read Nocte Naga 2 Thisalonika 3 Bible Online

2 Thisalonika 3 - Nocte Naga bible

2 Thisalonika 3

¹Lemruchha heh, athôanko dangeka, Teso nginkongsen pa nima sitsiaksiak tâphoang thôkohrãng, ngale nema keptet rãngrãng mihnyan heh ma khuhah nâhah chenkep a ngama rangsoam kohhi.

²Ngale Joban ma mihnyan chhih heh dekwahmin chenpe siethi ngama rangsoam kohhi; chenrãngma ngako, anga ngama Joban nginkongsen ko putedâlem mah.

³Rohkomin Teso pa dâlemli, ngale atema nekhu nâng chaankoh lahma Juchhih dekwahmin epe pânghèn.

⁴Ngale nima nenâng chenroh hethôtah a erohjô moeken ngama Teso mînko dâlem eka, ngale erohjô emo en ngama nenâng dâlem eka.

⁵Joban ma hun achet nginpa Teso ma nenâng senthemthem chenmam jetthuk hèn, ngale Krista ma tadôeka rãngrãng nenângmin chenmam tadô thukhèn.

⁶Lemruchha heh, Teso Jisu Krista mînko nima nenâng thôkoh eka, putedâlemte danglahma ajõ, ngale nima thinnâng rîn akhah tihheh junko ledangte heh demwah ataang re en.

⁷Nededema senthemthem ajet, nima chenroh moekia ererãngrãng nememin moatmin. Nima nekhu demnâng dângpoatko lejõrii thangma moatwah.

⁸Nima thã lekoh thangma henwahmin thaphhek chhahho. Erenoma, nidedema chêmrii lihma motih; Nima nekhu hennângjô niphhek chhah rãngma lechêm sekmah thukrãng rangwo rangnyek motih.

⁹Nima are moeki pa nekhu ngewah thâphhek chhah niem aho ngama moat dangmih; nema nimoat akat pa kheletma niwah chenhehi ngamaba moatwah.

¹⁰Chenthu nia netânâng dângpoatko, nima aroh thôkotah, “Henhenma moat akat lehun dangeka ereheh nâng phhekchhah min nekphhek chhahthuk en,”

¹¹Nima arepa nekhu chhangnâng moatlem lemo thangma jõajang mihnyan heh tonga, ngale thinma mihhan heh moatlem nâng lolo phoangjamsiet lahma tongeka ngama chohtat phumma thôkoh wah.

¹²Nima Teso Jisu Krista mînko arerãngrãng mihnyan hehnâng senthemthem songtong lahma thindede wok chenlem biphhek chhah a ngama chien eki.

¹³Rohkomin Lemruchha heh, nekhua moatlemsen moatnâng nekboanrii en.

¹⁴Nima nenâng are sitiko matkat eka ngin heh lekepte min khuka etongthem a. Eroh metong ako, ere mihnyan heh jetletma thien en ngale thin demnâng chenjô nekmo nekka en, erohkoba thin arêsê erewak a.

¹⁵Rohkomin thinnâng ran angem rãngrãng nekhôan en; erenoma, putedâlemte rãngrãng thonghun letma rîn akhah en.

¹⁶Nãngkhunâng mêmo kohte Teso ate dedema nekhu nâng chentô lemkhôma sanpoat roakweih mêmo chenkohhèn. Nekhu chentô demnâng Teso chenjoh tonghèn.

¹⁷Ngadede dekma are sitipa raang ekang: Pol ngewah salem ngale chentô siti nâng Ngama arohjô sûhi rânghôan ang; Ngale Ngama aroh raang ekang.

¹⁸Nãng Teso Jisu Krista mînchenchaan nekhu chentô demnâng chenjoh tonghèn.