Read Nocte Naga 1 Timothi 2 Bible Online

1 Timothi 2 - Nocte Naga bible

1 Timothi 2

¹Khebeng thôanko, chentô mihnyan nyuchha rãng Joban nâng rangsoam, roatsep, ngale dangkoh a ngama ngatrãng rosep eki;

²erepa Lowang hehrãng, erediko chentô thôte jabte hehrãng soam kohmin, erohkoba nãngkhu kihrumrum ngale mêmoma chohsõng lihma Joban ranchei nungma atenâng senthemthem eta soamtôe.

³Aroh pa asen ngale erohkoba nãng Pângte Joban rinme eka,

⁴Atema anga nga kho chenpea ngama huneka, ngale anga nganâng toangtang pa jetthuk huneka.

⁵Chenrãngma ngako Joban pa wanthe, ngale Joban le mihnyan nyuchha roamsiette pa wathe ba etonga, ere mihnyan pa Jisu Krista,

⁶ate dedema ate roandôngpa chentô mihnyan nyuchha heh pap thãpê thumkohrãng koheka. Erepa Joban ma chentô mihnyan nyuchha heh khopesiet hunlahma sanpoat pa thâng phumma chienkat era,

⁷ngale erohwah Nga a Joban moattatte rãng renlahma Jews ledangte hehnâng Joban nâng putedâlem le toangtang ngin heh hethôrãng chienchhoan wah. Ngama arepa mothôthô dangmek; Ngama toangtang ngin thôekang!

⁸Asâthem heh rangsoam roakweih dela hehma chensoam wak a, thin roandông pa Joban nâng kohte dela hehma rinkhah ba chhiakmîn lere thangma thindek laang lahma tasoam a.

⁹Ngale dihiaknyu hehma khetpa senthemthem ngale tiembengbeng chenkep a ngama hun ekang; kho heh ajatjat phoanghôanrii, kem, ngale lit awen, ngale thãchaanjat khet heh nekchen menchhang kepwak eka ngama hun ekang,

¹⁰rohkomin, moatlemsen molahma, Joban nâng soam atôte dihiaknyu rãngrãng chendangwak a.

¹¹Dihiaknyu heh kihchepchep ngale numnene tonglahma chenhea.

¹²Ngama thinnâng dela nâng hethô ngale dela toknâng lengrii thukmek; thin a kihchepchep chentonga.

¹³Chen-rãngma ngako Adam pa khebeng benghôanwah, ngale erediko ba Eva hôanwah.

¹⁴Ngale diapchhah ritte pemin Adam dangho; dihiaknyu peba diapchhahrii lahma Joban Niemarang pa chhihsiet wah.

¹⁵Rohkomin dihiak hehma naachhat junma khope chohmin, ngale dihiak pumma melatrii moako putedâlem, hun achet, sâpoangpoang, ngale senthemthem mesong metong ako khope chohmin.