Read Nocte Naga 2 Timothi 2 Bible Online

2 Timothi 2 - Nocte Naga bible

2 Timothi 2

¹Timothi, nanga Ju ngenâng Ngachha rãngrãng, erohwah Jisu Krista junma nãngma choheki mînchenchaan ko rongtêngtêng dango.

²Ngama Ajahthem mihnyan heh mathah nâng hethô lekma nangma tatthang ngin heh kep o, ngale erengin heh dâlemli mihnyan hehnâng thinma mihhan nâng chenthôkoh a ngama hethôo.

³Jisu Krista nginkepkep sipâhi sen rãngrãng danglohma nangmin chêmriio.

⁴Sipâhi pumma ate sahhabwa hungsênthuk rânghun a, erohwah atea sipâhi ledangte mihnyan heh demnâng thin rãngrãng sisem johdangmah.

⁵Ngale toatchhoanmînte pumma toatchhoanmîn niemarang junko lechhoan kako atema thã lechohmin.

⁶Nyahrãng chaanrii lahma pitmoatte pumma atema hongmoeka kowah khebeng thôan bengchhah min.

⁷Ngama chenni jabekanga erepa thonghun o, chenrãngma ngako, erepa nangnâng Teso ma phangtang ejetthukho.

⁸Aritwah ngakhînte Jisu Krista nâng thonghun o, atea Devit chha dângwah, ngale are nginpa Ngama Phoangthôkoh ekang Nginkongsen ko hethô ekang.

⁹Ngama Nginkongsen pa phoangthô junko, Ngama chêmchoh ekang, ngale mihngoan rãngrãng janruma khhekthien ehang. Rohkomin Joban Jabkhab pa janruma takhhek thienmah,

¹⁰ngale are chentô chêmchei pa Ngama Joban ma ren eka mihnyan hehrãng chêm ekang, ngale erepa thin memin Jisu Krista junma koheka khope pa chenmam choh a ngama chêmrii ekang, ngale roantang roanjêng khuhah nâhah edangwak a.

¹¹Arepa toangtang jabkhab: “Nãng ate demnâng mejohrii eko, ate demnângjô ejohhin e.

¹²Nãngma chêmchei pa arohjô mamtadô lihma metong eko, Nãngmin ate demnâng ejohpên e. Nãngma ate lehun medang eko, ate memin nãngnâng lehun edanghi.

¹³Nãngma lepute dâlemjô medang ekomin, atea putedâlemli, chenrãngma ngako, atema atedede nâng jiendiap chhahriimah.”

¹⁴Are nginpa nãng mihnyan hehnâng thõngthô koh, ngale Joban mathahko thinnâng are jabkhab hehrãngma lemênmin rãng thôkoh. Eroh memênmîn eko chenjô asen hongdangwãng mahra, atatte mihnyan heh ba echhihsiet a.

¹⁵Joban mitsokko nangma chentô tasen moeko eretô senmo o, mâmâ moatlem junko rêsê lethangte mihnyan rãngrãng chendango, ngale Joban toangtang nginkongsen pa punriri hethôo.

¹⁶Joban ngin ledang sekhota ngin phoangthô mînte hehwah taango, ererãngrãng ngin thômînko mihnyan pa Joban tâwah ataangsiet ba reka.

¹⁷Arerãngrãng hethô ekapa sek phangtang nâng chimâ mâlahma sekpa thôanchhih phhekwah rãngrãng dangeka. Arerãngrãng hethôte mihnyan wanii pa Himinaus ngale Filitus nii dângwah.

¹⁸Thinma toangtang lemkhô wah kechhoan lahma mihhan hehnâng nãngkhu ritwah ngaksat rangwopa lientah ngama phoangthô kolahma mihhan putedâlem heh chhihsiet eka.

¹⁹Rohkomin Joban ma longjan khohko rongtêngtêng khiet eka longpa leta dokjâmin; ngale ere khohko are jabkhab heh raangeka: “Teso ma ate mihnyan heh ajet” ngale “Henhenma thin a Teso nâng putedâlem eki ngama ngaeka ereheh kaamchhih moatwah ataang rêmin.”

²⁰Humdong nâng rongrupjat tit alek ngale bâti khoakti heh tonga: Wanwanthe pa kem ngale jan wah hôan eka, khaka pa bãngwah hôaneka, ngale khaka pa hahwah hôaneka; wanwanthe pa kuh awã nâng keprãng hôaneka, ngale khaka pa jengreko keprãng hôaneka.

²¹Henhenma thindede moatlem chhih hehwah sâriri danglahma tongeka, ereheh kaamsen nâng ekep a, chenrãngma ngako, thin a asâ, ngale thin Tângte rãng alemthôan, ngale chentô kaamsen katsen hehnâng ekep a.

²²Janchhô paangmih hehma moat huneka kaamchhih hehwah ataangreo, ngale henhenma hungsâ rinsâ danglahma Teso nâng chohsokrãng rosep eka ere mihnyan heh demnâng toangtang, putedâlem sen, hun achet, mêmoma tôngrãng latriio.

²³Rohkomin aba rãngrãng nginmõang phoang chhiakmîn hehwah ataangreo; nangma ajet athôanko amênmîn jôba erewak a.

²⁴Teso haaheh lephoang mênmînmin. Atea chentô demnâng asen tuta dângmin, ngale hungmông rinmông danglahma hethôte asen dangmin,

²⁵ngale ate lelatnâng dângte heh numnene danglahma pûnsiette dângmin, chenrãngma ngako, thinmin Joban ma hunglitthuk lahma toangtangko engakhu wak ra.

²⁶Ngale joakma lolahma ate hungsiko mothuk lahma thien eka kowah, thinhung nâng moatlem chhihba memo ekia ngama ngakchoh thonghun lahma juchhih bewah epechhoan wak a.