Read Nocte Naga 2 Timothi 4 Bible Online

2 Timothi 4 - Nocte Naga bible

2 Timothi 4

¹Ahînte mihnyan ngale riichoante heh rênte Joban ngale Jisu Krista mathahko Ngama nangnâng chien eki, chenrãngma ngako atema Lowang danglahma pênrãng kaera

²Joban nginkongpa phoangthôkoh, ngale lejak thangma phoangthôkoh (Sanpoat achhih medang komin, ba asen medang komin), chhînthô, ritngat, hungdongsiet rewak o, ngale erepa nanghung mongsietrii lohma hethôwak o.

³Mihnyan hehma nginkongsen kowah toangtang ngin hethô ekako lenyoak jetat sanpoat ehûra, thin dede hung junko edangwak a, ngale thin nâma chenni jetat huneka erengin heh thinnâng hethôte lolo ajahjah ekhôansiet wak a.

⁴Thinma toangtang nginko lenyoak jetattu thangma tewa nginchha thakthômîn heh lolo enyoak jetatwak a.

⁵Rohkomin nanga chentô sanpoat roakweih jetrii lohma tongo; chêmchei hehmin tadôo, ngale Nginkongsen phoangthô moatlem mo o, ngale nang moatlem chentô nâng Joban haa rãngrãng danglohma mo o.

⁶Nga dangekang, Nga roandông koh sanpoat pa lâhûtha; are Nga hahtokkhoh roandôngpa phethien sanpoat pa lâthângtah.

⁷Ngama atoat chhoanmîn ko senthemthem lâta toatchhoan mîntek, Ngama lemra laangriri lâta chhoantek, ngale Ngama senthemthem putedâlem ekang.

⁸Ngale ade phumma Ngarãngma ajienthã khaphok pa thienko lahma tonga, erepa Nga a Joban demnâng toangtang dângdi echoh ang, ngale erepa Teso ma mihnyan heh toangtangma rênjâ rangwo ko Nganâng ekohhang - ngale Nganâng lolo ledang, ate ngakkat pa nyahrãng hunlahma bemlâte chentô nângmin ekoh a.

⁹Nanga Ngatânâng sitsiak katrãng thonghun o.

¹⁰Dimas ma are hahtokkhoh roandông kowah hehnâng nyahrãng hunlahma Nga thînphethien lahma Thisalonika nâng kaeka. Krisen a Galatien nâng lâkatah, ngale Titas dangeka Dalmatia nâng lâkatah.

¹¹Luk loloba Nga demko tonga. Mak nangdemko sietlohma karo, chenrãngma ngako atema Nga moatlem hehnâng eta chohsû hang.

¹²Ngama Tikikas a Ifisus nâng chienkattek.

¹³Chenthu nang anâng katko Ngama Nga kut Karpus tâko phethientek pemin toankat kohhang; titab hehmin katkohhang, ngale ngemkhoan wah hôanwah nyapraang hehmin toankatro.

¹⁴Jan tupte Alexender pumma nyahrãng chêmsiet thang; Atema chenroh moeka erejunko Teso ma ate nângmin chenngakkoh a.

¹⁵Nangmin atema nekchen chêmsiet ehoma atewah jetlohma dango, chenrãngma ngako atea nãngma thôeki nginkong heh lelatnâng nyahrãng cheili dangeka.

¹⁶Khebengko Ngaru henjô rumahthang, Nga dedeba pesietritwah; chentôma Nga phethien lahma chhoanwah. Joban ma erejunko thin khohnâng nekchen chhihchoh eka!

¹⁷Rohkomin Teso Nga damnâng johtong lahma Nganâng chaan kohwah, erohwah Jews ledangte hehma chohtatrãng Ngama nginkongsen pa senthemthem taphoang thôtek; ngale Nga ritphe nemwahmin pesietthang.

¹⁸Ngale Teso ma Nga chentô achhih hehwah pesiet lahma ate Hahsông rangkhethung wah nâng senthemthem esietwên hang. Atemîn roantang roangjêng rãng chendonga! Amen.

¹⁹Ngama Prisila ngale Akuila erediko Onesiforus hehtang hum tangkâ hehnâng salem matkat erâng.

²⁰Irastas a Korint nâng tongeka, ngale Ngama Trofimus a Miletus nâng phethien ekang, chenrãngma ngako, atea achet rewah.

²¹Nanga rangpa dângmako anâng hokkatrãng thonghun o. Ilubulus, Pudens, Linus, ngale Klaudia hehmemin thin salem matkat eho, ngale ahan Kristan hehmemin matkat eho.

²²Nangju demnâng Teso chenjoh tongho. Joban mînchenchaan nekhu chentô demnâng chentonghèn.