Read Nocte Naga Titas 2 Bible Online

Titas 2 - Nocte Naga bible

Titas 2

¹Rohkomin niemarang sen junko chenpa pun eka erepa nangma hethôo.

²Phannang hehnâng numnene, hungchit rinchhem, ngale mâmâ dede hung tâmông sietritrãng rîn akhah o; ngale putedâlem, hun achetmîn nângmin asen chendangwak a, erediko atâdômin chenrewak a.

³Ererãngrãngjô wiku phannang dihiaknyu hehnângmin thin roandôngko sâpoangpoang sôngtông rãng rîn akhah o. Thinma mih nekchen chhihthô eka, ngale khemjok kânia nekchen dangwak eka. Thinma chenpa asenli a erepa chenphoang hethôwak a,

⁴ngale thinma roandông poat dihiaknyu hehnâng mâmâ tangwa ngale chhuchha hehnâng hun rãngma chen hethô wak a,

⁵mâmâ dede hung tâmông sietrit, sâpoangpoang, erediko mâmâ tangwa nginkepkep dângte dihiak sen dângrãng chen hethô wak a, erohkoba henmemin Joban ngewah choheki nginkongsen lelatnâng lechhihthô edanga.

⁶Ererãngrãngjô dela warõngpoat hehnângmin mâmâ dede hung tâmông sietritrãng hethôo.

⁷Nang dedema chentô nâng jatsen patsen danglohma khesok o. Ngale nangma nyahrãng hung arin kohlohma senthemthem hethôo.

⁸Mihma lechhih thôli jabkhab heh jab o, erohkoba nangran hehma nang lelatnâng chenjô lejien chhihjab erêsêriia.

⁹Haaheh memin thin tângtewa nginkepkep danglahma chentô nâng thin tângtewa rin chenme thukwak a. Thinma thin tângtewa ngin nekchen danwak eka

¹⁰ngale thin tângtewa ngewah chenjô nekchen huhwak eka. Erenoma, thinma roantangma putedâlemli danglahma asen chenkhesok wak a, erohkoba thin moatlem moat junko nãng Pângte Joban ngin hethô ekipa asen ngama ekhesok a.

¹¹Chenrãngma ngako Joban ma ate mînchenchaan pa chentô mihnyan nyuchha heh khope rãng loatsiet eka.

¹²Ere mînchenchaan pumma Joban lejet thangma sôngtông ngale hei ngem hung arin heh pherãng hethôehi, ngale mâmâ dede hungmông sietrii, toangtang, ngale hahtokkhoh ko Joban jetlihma sôngtôngrãng hethôehi,

¹³eroh danglihma nãngma dâlemki rangwosen pa bemlae, ere jâko nãng Joban dongthôan ngale nãng Pângte Jisu Krista rânghong mîndông demnâng ehongkara.

¹⁴Nãngkhu rongrup achhih ngewah pepângrãng ate roandôngpa ate dedema kohwah, ngale ate rãngma nãngkhua mihnyansâ dangthuk ehi, ngale roantangma moatlemsen moathunte mihnyan rãng hôanehi.

¹⁵Are ngin heh hethôwak o, ngale nang nginko jetatte hehnâng nangma hungdông sietrãng ngale ritnga lohma rîn akhahrãng chaankoh eki. Ngale henmejô nangnâng thãjõ lembe nekchen thonghun eho.