Read Nocte Naga Hibru 8 Bible Online

Hibru 8 - Nocte Naga bible

Hibru 8

¹Nima chentô jabeki nginpa dangeka, nãngrãngma soam aroakte adongthôanpa rangkhethung wah Joban tôngthin dekchah ngeko tongeka.

²Atea chentô noma Asâthôan Theko soam aroakte adongthôan danglahma tongeka, erepa mihnyan nyuchha ma hôanwah ledang Joban ma hôanwah thelinlin ko tongeka.

³Chentô soam aroakte adong heh Joban nâng chhahkoh ngale ngem ngah ma joapsoap thukeka, ngale erohwah nãngrãngma soam aroakte adongthôan pummemin chenni akomin kohmin.

⁴Atea are hahtokkhoh nâng dâng ngako soam aroakte ledang minwah, chenrãngma ngako Jews heh Niemarang junko Joban nâng hînhô kohlahma soam aroakte jat heh tonga.

⁵Thinma soam aroakte moatlem moeka pa rangkhethung nâng chenni moeka ere moatlem heh dâpha loloba moeka. Arepa Mosa demnâng chenroh dangtah a ererãngrãng jôba dangeka. Chenthu atema rangsoam thin The hôanrãng phûngko, Joban ma atenâng thôkoh wah, “Chentôpa nangnâng hahkongkho ko chenroh hôanrãng khesoktih a ererãngrãng hôan o.”

⁶Rohkomin ade phumma, chenroh atema Joban le atenâng putedâlemte ate mihnyan heh tungko toamsêm pa asen hôaneka ererãngrãng, Jisu nâng thin noma adong soam aroakte moatlempa koheka, chenrãngma ngako, erepa asen dângrãng toamsem eka.

⁷Khema wah toamsem tahko chenjô achhih aho dângngako, khediko toam ngaksêmthin ahotu dângmin wah.

⁸Rohkomin Joban ma ate mihnyan heh achhih khelahma thinnâng ngaeka, “Teso ma ngaeka, sanpoat pa lâhûera, Ngama Isrial mihnyan ngale Juda wah mihnyan heh demnâng toamnyan esem ang.

⁹Erepa Ngama thin te awi heh demnâng Igip wah loatsiet chhoantek jâkowah thin demnâng toamsemtek rãngrãng ledangmin. Ngama thin demnâng toamsem tekko thinma senthemthem putedâlem ho, ngale erohwah Ngama thinnâng ngiaksû mek.

¹⁰Ade phumma, Ngama are toampa Isrial mihnyan heh demnâng ahokmin sanpoatko esem ang, arepa Teso ma ngaeka: Nga Niem heh Ngama thin kheri nâng ethienkoh ang ngale thinhung khennâng eraangkoh ang. Nga a thin Joban rãng edangang, ngale thin a Nganâng putedâlemte Nga mihnyan rãng edangwak a.

¹¹Thinma thinlemru hehnâng Teso jet en ngama hennâng min lehethômin ngale thin tok akhung wah hehnângmin lethôkoh min, ‘Teso jet en’ ngama. Chenrãngma ngako, arinthôan pumma thun lahma adongthôan kokiet, chentôma Nga ejet hang.

¹²Ngama thinpap heh map ekoh ang ngale thinma kaamchhih motah heh Ngama thamlek thonghun tûmek.”

¹³Toamnyan sêm junma jablahma, Joban ma khebengwah pa apã rãng hôaneka; ngale chenni akomin mepãjâ tahko ba mechienjâ tahko lemlienma emahjâa.