Read Nocte Naga 1 Jon 3 Bible Online

1 Jon 3 - Nocte Naga bible

1 Jon 3

¹Sûtan en, nãng Wa Joban ma nãngnâng chentô hun ehia! Atema nãngnâng hunpa atôdông, nãngnâng Joban chha ngama ngaehi - ngale erohwah, linlinjô nãnga Joban chha lâdangtih. Erohwah are hahtokkhoh ma nãng jetmahhi: chenrãngma ngako thinma Joban jetmah.

²Ngalemruchha heh, ade phumma nãnga Joban chha lâdangtih, rohkomin chenrãngrãng dângmin a erepa senthemthem majeteki. Rohkomin nãngma ajet chenthu Krista mengak kathako, nãngmin ate rãngrãng edange, chenrãngma ngako nãngma Krista linlinpa meroh a eroh echohkhe e.

³Henhenma Krista nâng aroh dâlem eka, erehehma thin dedemin Krista asâ dangeka rãngrãng asâ danglahma tongeka.

⁴Ngale henhenma papkaam moeka erehehma Joban niemarang pa chhihsiet eka, chenrãngma ngako pap pumma Joban niemarang pa chhihsiet eka.

⁵Nema ajet Krista pa pap heh sâsietkoh rãng hongwah, ngale ate nâng pap aho dângwah.

⁶Ere junma henhen Krista demnâng roamlahma songtong eka erehehma papkaam lemotumin; rohkomin henhenma papkaam pa molahma tongeka erehehma Krista mathatkheka ngale mathatjeteka.

⁷Ngachhu Ngachha heh, nekhu hennângjô nekdiap chhahrii en! Henhenma kaamsen moeka ereheh Krista rãngrãng thinmin toangtang mihnyan.

⁸Ngale henhenma papkaam molahma tongeka ereheh Juchhih thiakrãng lâdangtah, chenrãngma ngako rangbeng hahbeng thuma Juchhih ma papkaam moeka. Phumma Joban Chhapa Juchhih ma chenni motah a ere moatlem heh chhihsietrãng hongeka.

⁹Phumma Joban chha hehma papkaam thammo tumah, chenrãngma ngako, Joban ma koheka roandông nyan pa thinnâng tongeka; ngale Joban pa thin Wa dâng phumma, thinma papkaam thammo tumah.

¹⁰Are junko nãngma henpa Joban chha a, ngale henpa Joakchha a erepa sâpoangpoang jienta jetloeki: henhen pa kaamsen lemote a ngale mihnyan hannâng lehuntea ereheh Joban Chha dangmah.

¹¹Nema khebeng thuma chohtattet nginpa arepa: Nãngma wathema wathe nâng hun achetmîn min.

¹²Nãnga Kain rãngrãng ledangmin; atea Juchhih thiakrãng danglahma atedede pho Abel pa ritphewah. Kain ma ate pho pa chenrãngma ritphewah a? Chenrãngma ngako, atema atedede moatlempa achhih moatwah, ngale ate phoma motah moatlempa moatlemsen dângwah.

¹³Ngalemruchha heh, are hahtokkhoh wah mihnyan heh mejô mechhihchoh hèn komin nekpatrii en.

¹⁴Nãngma ajet nãnga ritthin kowah ahin thinnâng lâdangtih; erepa nãngma mihhan hehnâng hun achet junko jeteki. Phumma henhenma mihnâng lehuntea ereheh athâng hehmin ritthin chaan khenkho tôngthu jôba.

¹⁵Mihhan nâng chinnyate mihnyan heh mihritphete, ngale nemajet mihritphete mihnyan hehnâng roantang roanjêng roandông aho.

¹⁶Are junko hun achet mînpa chennia erepa nãngma jeteki: Krista ma ate roandôngpa nãngkhurãng kohwah. Erohwah, nãngkhu memin, nãng roandôngpa mihrãngma kohmin!

¹⁷Techhu hehma ate pho anya heh chennijô aho chêmchei pa khelahme min thinnâng chohsokrãng hung lelaangte hehma Joban nâng huneki tanga mah.

¹⁸Ngachhu ngachha heh, nãng hun achetmîn pa thunkhab lolo ledangmin; nãng hun achetmîn pa hung arinma toangtangma hun achhâmîn lihma moatlem junma khesokmîn min.

¹⁹Eroh medang ekoba nãnga toangtang thiakrãng lâdangtih ngama ejetriie; ngale eroh kojôba Joban mathahko dâlembe hungsensen edange.

²⁰Phumma nãnghungma nãngnâng achhih menga hiko, nãngma ajet Joban pa nãnghung nomemin abâmbâm adong, chentôpa ajet.

²¹Ngale Ngalemruchha heh, nãnghungma nãngdede nâng achhih lenga medang hiko, Joban mathahko nãnghung dongdong edange.

²²Nãngma atewah chenni thaekia ereheh choheki, chenrãngma ngako, nãngma ate hôkum pa kepeki ngale ate rinmeli moatlem moeki.

²³Atema chien ehipa, nãngma ate Chha Jisu Krista nâng putedâlem, ngale wathema wathe nâng hun achetmîn rãng chien ehi, ngale Krista memin eroh jôba chien ehi.

²⁴Henhenma Joban ngin kepeka ereheh Joban demnâng aroamma tongeka, ngale Joban min thin demnâng aroamma tongeka. Ngale Joban ma nãngnâng kohehi Ju junma nãngma Joban nãng demnâng aroamma tongehi ngama jeteka.