Read Nocte Naga Loatkhesok 15 Bible Online

Loatkhesok 15 - Nocte Naga bible

Loatkhesok 15

¹Erediko Ngama rangkhethung nâng nyahrãng patritli dôngmõang hong lahma wîenkhe wah. Rangkhethung wah Joban ngintatte wanengit ngenâng khoanchet chhih wanengit dângwah, ereheh athôan akârãng hôngwah, chenrãngma ngako, erepa Joban ma ate rinkhah pa athôan rãng loatsiet eka.

²Erediko Ngama sîsa josi rãngrãng wen demnâng roamlahma khewah. Ngale ngemchhih erediko ngemchhih moangnâng soam atôte, ngale ngemchhih nemboat tûngte mihnyan heh henhenma jientah a ere mihnyan heh khewah. Thin a sîsa josi kêko chepwah, ngale thin dekko Joban ma kohtah harps pupe pa sem rewakwah

³ngale thinma Mosa sêpase, Joban haa sêpase ngale Saakchha sêpase rewakwah: “Teso Joban Adongthôan, nangma motoh moatlem heh chentô dônga ngale chentôsên a! diak akan wah Lowang hehma, nang lemkhô pa chentô apun ngale toangtang lemkhôa ngama ngawak eka!

⁴Nangran hen lechei dângmin a, Teso? ngale henma nangmîn adongthôan pa lerângthô tâdângmin a? Nanglolo jôba Asâthôan. Chentô diak akan heh hûlahma nangnâng esoam etô hûho, chenrãngma ngako, nangma toangtang moatlem moeko pa anga ngama lâkhetah.”

⁵Erediko Ngama rangkhethung wah Rangsoamhum pa laang lahma khewênwah, ngale erekhenko Rangsoam the Asâthôan pemin dângwah.

⁶Erediko rangsoamhum khen wah khoanchet chhih wanengit sêmte ngintatte wanengit pa khetpo pa nyahrãng phiakjaja kep ngale thin thhenkhuh ko kemwah hôanwah khetchhem pa chhem lahma loatkatwah.

⁷Erediko ahîn ngem wanbelii kowah wanthema ngintatte wanengit ko roantang roanjêng ahînma tôngte Joban rinkhah pa kemwah hôanwah tit wanengit nâng mênchong kienlahma chohkoh wah.

⁸Rangsoam humpa Joban phiak ngale chaan kowah hongeka wenkhuh pumma menkhuh lahma dângwah, ngale ere rangsoamhum khenko ngintatte wanengit pumma kephûtha khoanchet chhih pa mathôan thôanko henjô leta lupwãngmin ngama dângwah.