Read Nocte Naga Loatkhesok 17 Bible Online

Loatkhesok 17 - Nocte Naga bible

Loatkhesok 17

¹Erediko tit wanengit sêmte ngintatte wanengit kowah Ngatânâng wathe kalahma ngatwah, “Wãngro, ngale Ngama nangnâng anga ngama ajet phoang sengte dihiaknyu pa chenroh chêmsietmin a erepa khesok e, ere hahdaangdong pa jo jahmõang kênâng hôaneka.

²Hahtokkhoh wah Lowang hehma ate demnâng kaamchhih moeka, ngale hahtokkhoh wah mihnyan heh ate demnâng kaamchhih moat pumma khemjok lahma mokwah rãngrãng moeka.”

³Jupa Nga demnâng danglahma ngintattema Nga a sehahkho nâng pêwênwah. Ereko Ngama dihiaknyu wathe ngemchhih chek khohko chhang lahma khewah, ngale ere ngemchhih chek phoang phangtang nâng Joban nâng jôjêm dûmmek mînchhih heh raanglahma dângwah; ere ngemchhih ngeko kho phangengit ngale rong kaechhi dângwah.

⁴Dihiaknyu pa khet hin ngale khetcheksak keplahma dângwah, kem erediko thãchaan long, ngale lit hehma soangraangrii lahma dângwah. Ate dakko kemwah hôanwah koapnâng atema kaamchhih ngale moatlem chin motah heh mênchong semlahma dângwah.

⁵Ate khengko mihhehma lejetlimîn raanglahma dângwah, ere raang ekapa: “Babilon adongthôan, nanga chentô dihiaknyu phoangseng lahma kaamchhih moatte nyong, ngale hahtokkhoh chhihsiette nyong” ngama raanglahma dângwah.

⁶Ngale dihiaknyu pa Joban mihnyan heh hei ngale Jisu nginkepkep dângte mihnyan ritphetah heh hei pa joklahma hei pumma moklahma khewah. Chenthu Ngama ate kheko, nyahrãng bârit rewah.

⁷Phumma ngintatte pumma Nganâng, “Chenni rãng barii ekoa?” ngama thôngphâ wah. “Ngama nangnâng mihhehma lejetthin dihiaknyu ngale ate chhangeka kho phangengit ngale rong kaechhi ngemchhih mînpa thôkoh e.

⁸Ngemchhih pa poattheko ahîn dângwah, rohkomin ade phumma ahîn dangtumah; erepa chenthujô lethôanthin hahkenlu kowah loatwâng lâthângtah, ngale atea amahjâ erea. Hahtokkhoh wah sôngte mihnyan henhen mînpa rang ahah hôan mama ahîn titab nâng leraangthien dangtah a ere mihnyan hehma ngemchhih pa khelahma bârit erea. Arepa poattheko ahîn dângwah; phumma athângheh ahîn dangtumah, rohkomin erepa ngakhong eka.

⁹“Arepa jetloatrãng Joban buthi mongthem win dângmin. Kho phangengit pa hahkong wanengit nâng ngaeka, ngale ere khohko dihiaknyu pa tongeka. Ngale ereko Lowang wanengit pemin tongeka:

¹⁰Erekowah Lowang wabangâ pa lâjâriitah, athângheh a wathe loloma pêneka, ngale ahan wathepa mahûera; chenthu ate mehû theko atema poatthechha loloba epên a.

¹¹Ngale ngemchhih poatthe ahîn dângwah rohkomin athângheh a ahîn dangtumah, erepa Lowang wanesat rãng edanga, ngale atea Lowang wanengit kowah wathe dângwah ngale atea amahjâ erea.

¹²“Nangma rong kaechhi khe ekopa Lowang waechhi, ngale thinma athângheh mapên eka, rohkomin thinnâng ngemchhih demko danglahma Lowang rãngrãng koanta theru epênthuk a.

¹³Are Lowang waechhi latma mãnthe tuta emoa, ngale thinma thin chaan ahang heh ngemchhih ko koheka.

¹⁴Thin Saakchha demnâng eloatmîn a; rohkomin Saakchha pumma atema aren reka mihnyan, ngale senthemthem putedâlem lahma ate dijunte mihnyan heh demnâng roamlahma thinma ejien a, chenrãngma ngako, atea teso hehwahmin Teso dongthôan, ngale lowang hehwah min Lowang dongthôan.”

¹⁵Ngintatte pumma Nganâng ngatwah, “Nangma dihiaknyu phoang sengte tonglahma kheko jo pa chentô diak akan heh, mihnyan nyuchha, jat apat, ngale chentô jab ajâ heh.

¹⁶Nangma rong kaechhi khe ekole ngemchhih pumma phoang sengte dihiaknyu ko chhihchoh erea; thinma dihiaknyu ngekowah chentôpa toanchhoan lahma dihiaknyu pa boangloangma ephethien a; thinma dihiaknyu ngem pa phhek erea ngale thinma atea wennâng erokphea.

¹⁷Chen-rãngma ngako, Joban ma thinhung nâng ate moatlem moatrãng chaan koheka, ngale Joban jabkhab pa toangtang madang dangka thinma jutlahma thin chaan heh ngemchhih nâng kohthuk lahma ngemchhih ko pênthuk eka.

¹⁸“Nangma khe eko dihiaknyu pa hahdaang dongthôan pa ngale atea hahtokkhoh wah Lowang heh khoko pênte pa.”