Read Nocte Naga Loatkhesok 4 Bible Online

Loatkhesok 4 - Nocte Naga bible

Loatkhesok 4

¹Erediko Ngama ahan wîenthânkhe wah, ereko rangkhethung nâng kâsekpa laanglaang thienlahma khewah. Ngale poakpopo rahmetwah rãngrãng roattatwah, ere roatpa amako Nganâng aroh ngalahma tatwah, “Ngatânâng anâng wãngro, ngale arediko chenni dângmin a erepa Ngama nangnâng khesok e.”

²Ngale lemlienma Jupa Nga demnâng dângwah. Ngale rangkhethung wah tôngthinko wathe tonglahma dângwah.

³Ate thhen pa thãchaan long Jaspar ngale Karnelian rãngrãng phiak lahma dângwah, ngale tôngthin tumlitko phangtang nâng chaangchoi pa thãchaan longhin Imerald rãngrãng phiak lahma dângwah.

⁴Ere tôngthin tumlitko ahan tôngthinmin roaknii wanbelii dângwah, ere tôngthin heh khohko roaknii wanbelii khhepho phannang heh khetpo keplahma thinkhoko kem khophok phok lahma tongeka.

⁵Ere tôngthin kowah rangdeng khiapda pa liap, ngale rangmok rangphak pa hongka rewah. Ngale are tôngthin mathahko wennan wanengit dôtoak lahma dângwah, ereheh dangeka Joban Ju wanengit pa dângwah.

⁶Ngale tôngthin mathahko sîsa khenwah jo rãngrãng, ngale longra khenwah hôangjen wah jo rãngrãng sâpoangpoang dângwah. Tôngthin tumlit sukbeliiko ahîn ngem wanbelii nâng di ama mitwin dângwah.

⁷Khebengthôan pa sahdong hinhoo rãngrãng dângwah; ere diwah pa mânpong rãngrãng dângwah; ngale ere dikowah wanthe pa mihnyan thhenphãng rãngrãng dângwah; ngale ere diwah wanthe pa rangkho wah phoangpukte laa rãngrãng dângwah.

⁸Ahîn ngem wanbeliilat nâng rang wanerokru dângwah, ngale thin a khoh akhen phangtang nâng mitma doap lahma dângwah. Rangwo rangnyek lejek thangma thinma sê sekohwah: “Asâ, Asâ, Asâ, pa Teso Joban Adongthôan pa, Henpa ama komin Joban dângwah, ngale athâng hehmin Joban, erediko ahokmin sanpoat rãngmin Joban.”

⁹Ahîn ngem wanbelii pumma tôngthin kowah roantang roangjêng rãng ahînma tôngte ko toak asân, soangraang, ngale dangkoh a ngatsê selahma soamtô eka. Chenthu thinma erohmoat thuko,

¹⁰roaknii wanbelii khhepho phannang heh tôngthin kowah tôngte mathahko khupjup wah, ngale roantang roangjêng rãng ahînma tôngte ko soamtô wah. Thinma thin khophok heh tôngthin mathahko putphe lahma aroh ngatwah,

¹¹“Ni Teso ngale Ni Joban! Nangma jôba mîndông, toak asân, ngale chaan ahang heh tâchohmin. Chenrãngma ngako, chentôpa Nangma jôba hôanwah, ngale Nanghung junko nangma hin ajo thuk eko ngale roandông koh eko.”