Read Nocte Naga Loatkhesok 9 Bible Online

Loatkhesok 9 - Nocte Naga bible

Loatkhesok 9

¹Erediko wanbangâ kowah ngintatte pumma ate poakpopo pa rahmetwah. Phumma Ngama hahtokkhoh ko merit jâriika lahma khewah, ngale atenâng chenthujô lethôanthin hahkenlu ko jâkatthin sâbi pa kohlahma khewah.

²Phumma merit pumma hahkenlu pa laangwah, ngale erekowah nyahrãng wendong wah khuhwah rãngrãng wenkhuh loatkhuh wângwah; ngale ere hahkenlu kowah loatkhuh wãngera wenkhuh pumma sanphiak ngale pongwut heh nyekkhuhwah.

³Ngale hahtokkhoh ko wenkhuh kowah kupchhang loatkatwah, ngale thinnâng gusirong chaan rãngrãng chaan kohwah.

⁴Thinnâng hin, bãng, ngale chenni pen awahjô lechhihsiet rãng ngatwah; thinnâng hen mihnyan hehnâng thin khengko Joban mîn tûngmãn ahoa ereheh chêmsiet en ngama chienwah.

⁵Kupchhang hehnâng ere mihnyan heh leritphe thangma jengbangâ rãng chêmsiet en ngama chienwah. Ere kupchhang hehma chêmsiet eka kowah chetpa gusirong ma lekko chetwah rãngrãng.

⁶Ere jengbangâ khenko thinma rit lolo ehun a, eroh komin thinma rit pa lechohlemmin; thinma rit ehun a, rohkomin rit pa thin tâwah huhchhoan rêmin.

⁷Kupchhang heh Mok rannâng katrãng chepwah rãngrãng dângwah; thinkhoko kem khophok rãngrãng phok rewah, ngale thin thhenphãng pa mihnyan thhenphãng rãngrãng dângwah.

⁸Thin khochoo pa dihiaknyu khochoo rãngrãng dângwah, ngale thin pâheh sahdong hinhoo pâ rãngrãng dângwah.

⁹Ngale thin thhenkhuh pa janwah hôanwah lakkhama tengkhiap wah rãngrãng dângwah, ngale thinrang ma linjep ekapa rannâng Mok - jahmõang ma mokgarii sietlahma katko rahwah rãngrãng dângwah.

¹⁰Thin merako gusirong wah bii rãngrãng dângwah, ngale thinma mihnyan hehnâng jengbangâ rãng chêmsietthin chaan dângwah.

¹¹Thin khohko pênte lowang min dângwah, erepa hahkenlu thôan bemte ngintatte pa dângwah. Hibru jabma ate mînpa Abaddon ngaeka; ngale Griik jabma ate mînpa Apollyon, are ngaeka pa (“Achhihsiette”).

¹²Khebeng cheli thôanpa lâthôantah; arediko ahan cheli thôan wannii ehûra.

¹³Erediko wanerok kowah ngintatte pumma ate poakpopo pa rahmetwah. Phumma Ngama Joban mathah wah Joban nâng joapsoap thin kemwah hôaneka chaam kowah sukbelii ngewah rahjabkat lahma tatwah.

¹⁴Ere jabkhab pumma wanerok ngintatte ko ngatwah, “Iufaret jokho kowah ngintatte wanbelii khhekthien eka heh jânpheo!”

¹⁵Ngale ngintatte wanbelii pa jânphewah; are sanpoatko, ere jâko, ngale ere dâjeng kowah ere rangpâ ko thinma mihnyan nyuchha hehwah thiakrem rãngpa ritpherãng khhekthien wah.

¹⁶Nganâng ranchep chhoante sipâhi heh chânii milion ngama thôkoh wah.

¹⁷Ngale Ngama mok le mokkhoh kowah chhangte mihnyan heh thânkhewah: thinnâng lakkhapa wenchek rãngrãng dangwah, safira rãngrãng ahin, erediko sulfar rãngrãng amien dângwah. Mok heh khopa sahdong hinhoo kho rãngrãng dângwah, ngale thin thunka kowah wen, wenkhuh, ngale salfar hôngkatwah.

¹⁸Ere khoanchet wanrem pumma hahtokkhoh wah mihnyan heh thiakremrãng ritphewah: wen, wenkhuh, ngale salfar heh mok heh thuka kowah hongkatwah.

¹⁹Chenrãngma ngako mok hehnâng thin chaanpa thunka ngale thinme nâng dângwah. Thinme heh pû rãngrãng khowin dângwah, ngale thinma mihnyan hehnâng chêmsietrãng thinme pa kepwah.

²⁰Are khoanchet wanrem pumma lechêmsiet dangtah mihnyan nyuchha heh phangtang thindede dekma chenni hôantah a ere hehwah hung ngaklitmah. Thinma joak ajo hehnâng soamtô pa jekmah, ngale lejienkhête, lejientatte, ngale lejienkhoamte, moangachaang, erediko ngun akem, long, bãng.

²¹Ngale thinma mihritphe heh, jâdu lôam, dihiak dela kaamchhih moat, ngale huh aliek hehwahmin hung ngaklitmah.