Read Nogai 1 Коринтшилер 3 Bible Online

1 Коринтшилер 3 - Nogai bible

1 Коринтшилер 3

¹«Раббийге кенъес бергендей Онынъ ой-пикирин ким биледи?» Ама биз анълаймыз, неге десе биз Масихтинъ ой-пикирлерининъ иелеримиз. Кардашлар, сизге Алла Рухы ман бийленгенлерге соьйлегендей этип соьйлеп болмадым. Оьз инсан кылыгы ман бийленгенлерге, Масих йолында энди де эмшектеги балалардай болганларга соьйлегендей соьйледим.

²Сизге каты ас тувыл, суьт бердим. Неге десе сиз сол заманда каты ас пан ток болмага аьзир тувыл эдинъиз, соьле де аьзир тувылсынъыз,

³неге десе сиз энди де инсан кылыгынъыз бан бийленесинъиз. Аранъызда куьншилик эм эрисуьв болганы, аьдем кылыгынъыз бан бийленгенинъизди, аьдеттеги аьдемлердей аьрекет эткенинъизди коьрсетпейим?

⁴Эгер дейим бирев: «Мен Паул яклы», а баска: «Мен Аполлос яклы», — десе, сиз аьдеттеги аьдемлердей тувылсынъызба?

⁵Аполлос ким ди? Паул ким ди? Бизим кызметлигимиз аркалы иман эттинъиз, тек сол. Раббий аьр биримизге калай белгилеген болса, солай кызметимизди толтырдык.

⁶Урлыгын мен эктим, Аполлос сув куйды, ама Алла оьстирди.

⁷Соннан себеп эгуьвши де, сув куювшы да бир зат тувыллар, тек оьстирген бир Алла Оьзи маьнели.

⁸Эккен де, сув куйган да бир ис этедилер, ама савгады аьр бири оьзининъ куллыгына коьре алаяк.

⁹Неге десе биз — Алладынъ куллыгында бирге ислевшилер, а сиз — Алладынъ эгинлери, Алладынъ курылысы.

¹⁰Мага берилген Алла шапагаты ман, аьр бир сулыплы курувшыдай, негиз салдым, иргелерин баскалар коьтередилер. Суьйткенде, аьр ким оьзининъ курылысына коьз салсын.

¹¹Эш бирев де бар болган негизден — Иса Масихтинъ Оьзиннен — баска салып болмаяк.

¹²А ким болса да бирев сол негиз уьстине алтыннан, куьмистен, асыл таслардан яде агаштан, пишеннен, тобаннан уьй салаяк. Аьр бирининъ эткен иси коьринеек, кыямет куьнинде белгили болаяк. Аьр кимнинъ эткен иси от пан ашылаяк, кайдай болганы от пан сыналаяк.

¹⁴Эгер дейим сол негизде куралган уьй опырамаса, курувшы савга алаяк.

¹⁵Эгер дейим янса, курувшыдынъ иси зыянга шыгаяк. Оьзи десенъ куткарылаяк, ама ялыннынъ ишиннен оьткендей болар.

¹⁶Алладынъ уьйи оьзинъиз болганын эм Алладынъ Рухы сизде яшаганын билмей эдинъизбе?

¹⁷Алла Онынъ уьйин йойганлардынъ баьрин де йояяк, неге десе Алладынъ уьйи кие, сол уьй — сиз.

¹⁸Эш бирев де оьзин оьзи алдамасын. Эгер дейим аранъыздан бирев аьлиги оьмирде оьзин акыллы деп санаса, шынтысы ман да акыллы болар уьшин, «акылсыз» болсын.

¹⁹Бу дуныядынъ акыллылыгы — Алладынъ алдында акылсызлык. Кие Язувда айтылгандай: «Ол акыллыларды оьзлерининъ кылып тузакларына туьсиреди» эм тагы да:

²⁰«Раббий акыллылардынъ ой-пикирлери пайдасыз экенлерин биледи».

²¹Сонынъ уьшин бирев де аьдемлер мен мактанмасын, неге десе баьриси де сизики:

²²Паул, Аполлос, Кефа, дуныя, яшав, оьлим, аьлиги де келеектеги де болсын — баьриси сизики,

²³сиз десенъ — Масихке байырсынъыз, Масих те Аллага.