Read Nomatsiguenga Maricos 10 Bible Online

Maricos 10 - Nomatsiguenga bible

Maricos 10

¹Aique iáiguë Jesos aisati irogomere, yaretaigapa Joreaquë, imontiaiganacaro ora nija jitacha Jorirán. Aique yapatobiritaigacari tojai matsiguenga. Cara yameta Jesos, yogometaiguëri. Jesos yogometocoqueri ira joquërone iina.

²Iátasitaiguëri Jesos bariseopague; icogabeca iraniantëmari irantacaquerime te onganinate. Yosamitaigapëri: —¿Caninataqueco irojocajiro iina sërari?

³Yotabitaigabaqueri Jesos: —¿Pairo isanguenataiguëmi Moisés jirai?

⁴Icantaiguëri bariseopague: —Icanque Moisés: “Aroca iritsirishanëmaro iina sërari, irisanguenatënero, ingomantëro: ‘Nocoguini nojocajimi; pijátaje’. Imëro sanguenari ora irojogantëmaro”.

⁵Icantaiguëri Jesos: —Icanque Moisés cara caninataque pijocajiro pijina tenta pinganinataigue.

⁶Carari cara pobetsiquengani antagaisati jirai,Tosorintsi yobetsiquëri ira sërari aisati tsinane.

⁷Iroro cara iráquero iina sërari, irojocanëri iriri aisati iniro,

⁸irágasantëro iina, intimacaquero casiriconiati. Coshoni iroquimaro, ingantajima paniro ibatsa. Jirai inabitaca sërari aisati iina; yamai coshoni irogobaguima, intimaiguë inganguima paniro. Iniaiguëri Tosorintsi irianti paniro ibatsa. Ipanirootitaiguëri.

⁹Iroro te onganinataguëte irojocobagajima. Querootisati ijocaguiri basini matsiguenga.

¹⁰Cara ipigapa Jesos pongotsiquë, yosamitaiguëri irogomere pairo icanti.

¹¹Icantaiguëri Jesos: —Aintaca sërari irojocajiro iina, iráque basini tsinane, aroque yaguimintacaro iinasonori ora ijoque jirai. Te inguemisantiro ora icanti Tosorintsi: “Quero pintantopitiro pijinasonori”.

¹²Aitosati pairoraca joquërine ojime páguëri basini sërari aisati paguimintari ojimesonori, te onguemisantiri Tosorintsi ora icanque: “Quero pintantopitiri pijimesonori”. Jesos yoguëneri janequipague ibaco.

¹³Aique yamapëngani itiomijani janequipague cara Jesosiquë, icogaiguë cara irogaguetineri ibaco Jesos iguitopaguequë janequi iromanocotiri ingábintseri Tosorintsi. Carari iniaigabaqueri irogomere, imetaigacari Ira Jesos, icantaigabaqueri, isintsitsaqueri: —Quero paseriguiri Atingomi.

¹⁴Iniaiguëri Jesos iguisatsataiguëri irogomere, icantaiguëri: —Quero picantiri. Nocogui iribocasitaigapëna janequijegui. Igóiguë iriro intingomintina. Antagaisati icantaigari ibega ica intiomoquina cara itingomibintanti Tosorintsi.

¹⁵Aisonori nangantaiguëmi: icaegui janequi inintaiguë intingomintimari Tosorintsi; pairiraca te intingomintimari aisati ingantima ibega janequi, quero yareta cara igáanti Tosorintsi.

¹⁶Aique yágobëri janequipague Jesos itsomaguetobëri panirootipague, yoguëneri ibaco iguitoquë yamanocotaiguëri: —Iromitocotimita caninasati Tosorintsi, ingábintsemita. Jesos icamanaaqueri ira sërari casintasantachari.

¹⁷Cara iáque Jesos abatsiquë, isigopa poro sërari yobaticagueritotaguëpari Jesos, yosamitëri: —Caninari Ogomeantatsiri, ¿Pairo nanganque arota përosati nantimanë canta Jonogaguitequë?

¹⁸Yotabitanëri Jesos: —¿Pairo picantobiquina Naro caninari? Paniro ini caninari, Irianti Tosorintsi.

¹⁹Aroque pigóque ora icanque Tosorintsi cara isanguenaquero Moisés:Quero póganti; quero pintantopitiro pijina; quero picositanti; quero pitsoiguëgotaguetari ira basinipague; quero pamatobianti; pinguemisantiri piri aisati piniro, quero pipëgatsatëmatari.

²⁰Icanqueri sërari: —Ogometinari, aroque naquemisanquero omagaro oca cara ninë janequi irooti yamai.

²¹Inetsëri Jesos, ininqueri, icanqueri: —Panibati. Pinintica iraniacaninatimi Tosorintsi, atsi pijáte, pomimantiro antagaisati ora pasinta, pomaguetiri coguitiaguetachari omagaro opënataga; aique imëmi Tosorintsi ora caninaro cara Jonogaguitequë. Cara pomimantëroca antagaisati atsi piguiatapëna Naro.

²²Cara iquemobëro oca icanqueri Jesos yogasëretasantanaca, icomëtanaca iboroquë irironta casintaguetasantacha, aique iátaji tenta iraninte imimantiro ora yasinta.

²³Inetsagueiguëri irogomere Jesos, icantaiguëri: —¡Opomirintsitomocari casintaguetachari iriátë canta itingomibintanti Tosorintsi!

²⁴Iquenganeintasantanacaro irogomere ora icanque Jesos. Carari yogatsitairo Jesos icanque: —Obirojegui aisa picantari notomijegui; opomirintsitomocari inganaque pairiraca cara iragáantanequë Tosorintsi.

²⁵Nanganquemi: opomirintsitomocari cameyo ingue otiomijaniquë omoro quitsapi, carari omomirintsitomotasantëmari casintachari iriátë cara igáanti Tosorintsi.

²⁶Ocari oca iquemaigabaque irogomere, iquenganeintasantanaca, yosaminatobaganaca: —¿Aisonorico? ¿Pairo inganquima matsiguenga iragabisaicoontima?

²⁷Jesos inetsaiguëri irogomerejegui, icantaiguëri: —Quero icantiro matsiguenga, quero paniro yogabisaicota, carari Irianti Tosorintsi inganquero antagaisati. Te omomirintsitomotimari Iriro. Ora imaiguëri Tosorintsi iraegui aguiatëri Jesos.

²⁸Aique icanqueri Peroro: —Ogometinari, pinguengaiguena naroegui. Nojocaiganaquero omagaro nasintaigabita, noguiataiganaquemi.

²⁹Yotabitanëri Jesos: —Aisonori nangantaiguëmi: quero pitsipiriaro. Aroca pintingomintina Naro aisati pijocaiganaquero pobango, pirentipague, pitsiropague, piniro, piri, pitomipague, pitoganepague, pijocanëro aronta pinintaiguina Naro piguiatëna aisati piquenguitsatironta nanibare, aro ingantocobentaiguëmi Tosorintsi.

³⁰Aroca pijocopitënaro arosata cara piguiatëna, imaiguëmi Tosorintsi tojai. Págobëro yamai tojai basini pongotsi, tojai pirenti, tojai pitsiro, tojai piniro, pitomi, aisati pitogane; aisati inguisaneintëntimi basiniati matsiguenga. Carari pintiomoquina përosati canta Jonogaguitequë.

³¹Ainta yamai tojai itingomipague yaca quibatsica, carari quero igáanti cara Jonogaguitequë cara panironta Atingomi. Aintasati tojai itsipiriaiguë yaca yamai, imaintaiguëri matsiguenga carari aiquenta imaiguëri Atingomi iromitocoiguëri cara igáanti Iriro. Icarantë yamai carari aiquenta irobataje. Aisati yogatsitairi icomantairi irogomere Jesos cara ingamaque.

³²Iáiganaque Jesos aisati irogomere aiquero Jerosarénquë, itongaiganaque. Jesos ibataiguëri irogomere abatsiquë. Yoguiataiganaqueri, iquenganeintasantaiganaca, aisati itsorogaiganaque. Jesos yáganëri irogomere casiriconiati, icomantaiguëri atiraca inganquengani Jerosarénquë. Icanqueri:

³³—Pinguemina. Yamai ajáiguë Jerosarénquë. Naro paniacha Jonogaguitequë, nomatsiguengatapë cara niboguë yaca quibatsica. Iroro cantënguicha cara Jerosarénquë irágaiguëna itingomipague saseriroti aisati iraegui ogomeantiro isanguenare Moisés. Ingantaiguëri ira Iromasati: “Páguiri Jesos, póguiri tenta ingomeite”.

³⁴Irisërontaiguëna, iripasataiguëna, iriobataiguëna, aique irógaiguëna. Carari ongaraque maba cataguiteri nanganiatanae aisati. Santiago aisati Joan cogatsi irobate.

³⁵Aique yotsitipari Jesos Santiago aisati ireinti Joan, pitirooti itomi Sebereo, icantaiguëri: —Ogometinari, nanintaiguini pingantina ora nomanaquimira.

³⁶Yotabitanëri Jesos: —¿Pairo pininti nanganquemi?

³⁷Icantaiguëri: —Aiquenta cara pigáantanequë, nocoguini pinintacaguina poro naro nosobiaque pobacosonoriquë, ica igueca irisobiaque pomatepacoquë.

³⁸Yotabitaiganaqueri Jesos: —Te pigóigue ora pamanaquena. Aiquenta natsipiriaque tojai. ¿Teco pintsorogue ca pitsipiriaiguë obiro?

³⁹Icantaiguëri pitirooti: —Te nontsorogue, nangantaiguëro naro natsipiriobiquimi. Icanqueri Jesos: —Jee, aisonori, aiquenta pigasëretocoquina aisati pitsipiriobiquina.

⁴⁰Carari quero Naro pimirone cara pisobicomoquina aiquenta. Paniro Pabati përine pairiraca tsipaquinane Naro cara nagáantë.

⁴¹Iquemaiguëri basini irogomere icarati 10. Iguisaneintobiqueri ira Santiago aisati Joan, aroquenta icogabeca pitirooti iraguibatimame.

⁴²Aro icaimaiguëri irogomerejegui, icantaiguëri: —Pigóiguë ira itingomipague basiniati matsiguenga cagari jorío yametaiga imerataigari imatsiguenga. Aisati ira obatacagantatsiri imerataigari imatsiguenga.

⁴³Carari quero aisati picantaigari ibegaiga iriro. Pinintaiguëca piguibatima obiati, pomitocotaigueri pomatsiguenga pingábintsaguetaigueri, quero pimeratari.

⁴⁴Pinintica piguibatima, pomitocotaigueri pomatsiguenga pairoraca ininti. Pingantimari ibega iromeraro.

⁴⁵Nopaniaca Jonogaguitequë, nomatsiguengatapë arota nomitocotaigueri matsiguenga, quero nimeratari. Aisati nipocasique nangamobitaiguëri antagaisati matsiguenga arota iragabisaicotajiri Tosorintsi cara inguemisantaiguëna Naro. Jesos yogaguibegajiri Baritimeo, comarajari.

⁴⁶Aro yaretaigaca Jericóquë Jesos aisati irogomere. Cara yogagaiganaca, yoguiataiganaqueri abatsiquë tojai matsiguenga. Ainta isobiaque onamiquë abatsi Baritimeo comarajari, itomi Timeo. Ira Baritimeo yamananteanti quirequi imëri matsiguenga.

⁴⁷Cara iquemobëri Jesos Nasaresati, icaimanë icanque: —¡Jesos, imatsiguenga David, pingantaneintëgotina!

⁴⁸Aro iguisatsataigabitacari ira botoitaigacha, icantaiguëri: —¡Pomairete! Aiquero iátanëtigue icaimasantanë: —¡Natingomi, pingantaneintëgotina Obironta imatsiguenga David!

⁴⁹Yaratingopë Jesos, icaimagantëri, icanque: —Pingaimiri. Aro icaimaiguëri, icantaiguëri: —Pinganinatanë, pingabiritima, icaimimini.

⁵⁰Aro ijocanëro iguitsagare icabiritanaca omanapague ipocasiqueri Jesos.

⁵¹Icabëri Jesos: —¿Pairo picogui nanganquemi? Yotabitanëri comarajari icampëri: —Natingomi, nanintini piniacagajina.

⁵²Icanqueri Jesos: —Atsi pijátaje. Piniaje yamaica. Aroquenta piquemisanquina cara nagobiajiro piniaje, aro naniacagajimi nogabisaicotajimi. Aito cara iniaanai, yoguiatëri Jesos.