Read Dagara, Northern 2 Samɩɛl 20 Bible Online

2 Samɩɛl 20 - Dagara, Northern bible

2 Samɩɛl 20

¹A Gilgal be a, nɩr kãw na bɛ tɛr pɛr a tɩ be n be, ɩ Bɛ̃zamɛ dɔwlʋ nɩr Bikiri bidɛb, ɛ́ a yúor dɩ kɛ́ Seva. Ʋ tɩ pɛbl'ɩ wɩ́ɛ, ɛ́ ŋmɛ cɛl yel à ŋá: «Tɩ bɛ pʋɔ a Daviir bom kãw za pʋɔ ɩ, tɩɩm nɩ a Zese bidɛb ŋa bɛ lãw bom kãw za ɩ. Ɩsɩrayɛl nɩbɛ ɛ, ŋa za ʋ mɩ́ lɛb kul a ʋ yir!»

²Lɛ n'a a Ɩsɩrayɛl tẽw nɩbɛ za tɩ bɛr a Daviir, ɛ́ tu a Bikiri bidɛb Seva pùor. Ɛcɛ a Zuda tẽw nɩbɛ tɩ tu n a bɛ nãà pùor, páw ʋ, yi a Zurdɛ̃ ɛ́ tɩ ta a Zerizalɛm.

³A nãà Daviir tɩ ta n a ʋ yir a Zerizalɛm. Ʋ tɩ ƴãw na bɛ tɛr a pɔw-bili pie bɛl ʋ na tɩ bɛr kɛ́ bɛ gù a yir a wa n. Ʋ tɩ ƴãw bɛ nɩ yir bɛ na gù vla a pʋɔ. Ʋ tɩ cãà na kaarɛ a bɛ zie, ɛcɛ ʋ bɛ tɩ lɛb páw bɛ towtow ɛ. Lɛ n'a bɛ tɩ pàw bɛ a yir nɛ pʋɔ tɩ ta n a bɛ kũu bibir. Bɛ tɩ ɩ na mɛ̃ pɔw-kɔbɛ a, ɛ́ a bɛ sɩr cãà vʋʋrɛ.

⁴Al pùorí, a nãà tɩ yel'ɩ a Amasa: «Ɓã a Zuda tẽw sojarɩ taa! Ka nɩ bibie ata a, fʋ̃ʋ nɩ a bɛl, nyɩ be a ka.»

⁵A Amasa tɩ cen na tɩ bʋɔlɩ a Zuda tẽw sojarɩ ɓã taa, ɛcɛ ʋ bɛ tɩ tʋ̃ɔ́ lɛb wa a bibir ʋl a Daviir na tɩ ƴãw kʋ̀ ʋ a ɩ.

⁶Lɛ n'a a Daviir tɩ yel a Avɩsaɩ: «Ƴɛrɛŋa a, a Bikiri bidɛb, Seva, na ɩ na a kpɛ tɩ zuo a Abɩsalɔm. A lɛ ƴãw a, a fʋ̃ʋ mɩŋa, de a sojarɩ na gùre mɛ̃ a niwn, nyɩ ta tu ʋ, ʋ taa ɩrɛ wa nyɛ̃ tẽ-kpɛn, kpɛ sɔwlɩ a pʋɔ, tɩ bɛ páw ʋ ɛ.»

⁷A Zowab nɩbɛ, a Keretɩ̃ɛ mɩnɛ, a Peletɩ̃ɛ mɩnɛ nɩ a soja-gãdaar za tɩ yi na tu a Avɩsaɩ. Bɛ tɩ yi n a Zerizalɛm, ɛ́ ta tu a Bikiri bidɛb Seva.

⁸Bɛ tɩ pɩɛl'ɩ a kʋsɛ-kpɛ̃ɛ ʋl na be a Gabaɔ̃ a, ɛ́ a Amasa wa ta páw bɛ. A Zowab tɩ su n a ʋ sojarɩ bome, sɛ n kpàwr a sɩɛmɩ́, ɛ́ ƴãw a zɛbr-sɔ-kpɛ̃ɛ a ʋ kpar pʋɔ a kpàwr ƴãw. Ʋ na tɩ tawr tarɛ a, a zɛbr-sɔ-kpɛ̃ɛ tɩ lo n tẽw.

⁹A Zowab tɩ yel'ɩ a Amasa: «Ɩ̃ yɛb i, fʋ kpɛmɛ na a?» Ɛ́ tɩ nyɔw a Amasa tɩɛm nɩ a ʋ dʋrʋ nũu, k'ʋʋ weri ʋ.

¹⁰A Amasa bɛ tɩ cɛlɛ a zɛbr-sɔ-kpɛ̃ɛ zie, a Zowab na tɩ ɓáw a tẽw nɩ a ʋ gʋba nũu a ɩ. A Zowab tɩ cɔr'ɩ a Amasa pee cɩɛrɩ, a nyagɛ yi gã tẽw, ʋ kpi. A bɛ lɛb tɩ tɛr k'aa Zowab lɛb cɔ̀r ʋ a gb'a ayi sob ɛ. Al pùorí, a Zowab nɩ a ʋ yɛb Avɩsaɩ, tɩ cãà na ta tu a Bikiri bidɛb Seva.

¹¹A Zowab soja kãw tɩ àr'a kɔw a Amasa kũu, ɛ́ yere à ŋá: «Sob nɛ za na tu a Zowab nɩ a Daviir a, ʋ tuur a Zowab!»

¹²Ɛcɛ a Amasa tɩ bili bili nɩ a ʋ zɩ̃ɩ pʋɔ, a sɔ́r sɔwlɩsɔw, ɛ́ a soja ʋl nyɛ̃ k'aa nɩbɛ za tɛwr'a àrɛ a be. Lɛ n'a ʋ tɩ vu a Amasa kũu a sɔ́r zu ƴãw a pu-pʋɔ, ɛ́ de kpar-kpɛ̃ɛ lɔb pàw ʋ.

¹³Ʋ na tɩ vu a Amasa kũu bɛr baarɩ a, a sojarɩ za tɩ tɔlɛ nɩ daadaa tu a Zowab, bɛ diwr a Bikiri bidɛb Seva.

¹⁴A Zowab tɩ tɔl'ɩ a Ɩsɩrayɛl dɔwlʋ za pʋɔ, tɩ ta a Avɛl-Bɛtɩ-Maaka tẽw. A Beritɩ mɩnɛ za tɩ ɓã n taa kɛ́ bɛ paw ʋ cen.

¹⁵A Zowab nɩ a ʋ nɩbɛ tɩ ŋmãa nɩ nɩ a tẽw a zɛbr, a Seva na tɩ be a Avɛl-Bɛtɩ-Maaka tẽw pʋɔ a ƴãw. Bɛ tɩ kaal'ɩ tanɛ ɓã taa, a tɩ do man a dacĩ-dãw-niwn sob na piw a tẽw tɛr a, al pùorí, bɛ ìr bɔbr kɛ́ bɛ tuw a dacĩ-pɛr dáa ʋ lɔb.

¹⁶Pɔw-yã-bãwnɛ kãw tɩ be n a tẽw pʋɔ, cɩɩr'ɩ yel à ŋá: «Nyɩ wone yoo! Nyɩ wone yoo! Nyɩ yel a Zowab k'ʋʋ pɩɛl'ɩ ka, ɩ̃ tɛr'ɩ ƴɛ̀rʋ bɔbr k'ɩ̃ɩ ƴɛ̀r kʋ̀ ʋ.»

¹⁷A Zowab tɩ taw na ta a pɔw zie, ʋ sowr'ʋ: «Fʋ̃ʋ sɩrɩ n'ɩ a Zowab ɩ?» Ʋ sɔw: «Ʋ̃ʋ, mãa n'ʋ!» A pɔw lɛb yel ʋ: «Sàw bɛr wõ a ɩ̃ ƴɛ̀rʋ.» A Zowab sɔw: «Ɩ̃ bɛrɛ na wone.»

¹⁸A pɔw tɩ cow nɩ a ƴɛ̀rʋ yel: «Koro za a, bɛ mɩ́ tɩ yel'a: “Tɩ sowri Avɛl-Bɛtɩ-Maaka tẽw dem kaa, ɛ́ a yele na maal'a!”

¹⁹A Ɩsɩrayɛl tẽw nɩbɛ za pʋɔ a, tɩ pʋɔ nɩ a ƴã-ɓaarʋ nɩbɛ nɩ a nɩ-mɩn pʋɔ. Ɛcɛ fʋ̃ʋ bɔbr kɛ́ fʋ ŋmɛr a tẽw ŋa na pʋɔ a Ɩsɩrayɛl tẽ-bɛrɛ pʋɔ a bɛr! Bʋ̃ʋ n'ʋ so fʋ bɔbr kɛ́ fʋ sãw a zie a Sore na so a bɛr?»

²⁰A Zowab tɩ sɔw na: «Lɛ bɛ n'a ɩ! Lɛ bɛ n'a towtow ɛ. Ɩ̃ bɛ tɛr bom za sãw-bɛrʋ bɩɩ ír-bɛrʋ tɩɛrʋ ɛ!

²¹Lɛ bɛ n'a ɩ! Efarayim tan vuo pʋɔ nɩr kãw n'ʋ ɩ̃ bɔbr, Bikiri bidɛb, Seva, na ìr zɛbr'ɩ a nãà Daviir a. Nyɩ nyɔw ʋ kʋ̀ m, a ʋl yõ, ɩ̃ɩ na ìr'a ɛ́ bɛr a nyɩ tẽw.» A pɔw tɩ yel'ɩ a Zowab: «A vɩɛl'a! Tɩ na lɔb'ɩ a ʋ zu bɛr a tẽw dacin dapùorí, kʋ̀ b.»

²²A pɔw tɩ cen na tɩ páw a ʋ tẽ-bi-taabɛ, wul bɛ a ʋ yã vla ŋa. Lɛ n'a bɛ tɩ cɛ a Bikiri bidɛb Seva zu ŋmãa, lɔb kʋ̀ a Zowab. Ʋ tɩ ƴãw na bɛ pɛblɩ a wɩ́ɛ, a ʋ sojarɩ bɛr a tẽw daadaalɛ, ɛ́ ŋa za mɩ́ lɛb kul a ʋ yir. A Zowab tɔr za tɩ lɛb'a cen a nãà zie a Zerizalɛm.

²³Zowab tɩ n'ɩ a Ɩsɩrayɛl sojarɩ za nɩ-kpɛ̃ɛ. Yehoyada bidɛb, Benaya, tɩ n'ɩ a Keretɩ̃ɛ nɩ a Peletɩ̃ɛ mɩnɛ na ɩ a nãà-gùrbɛ a nɩ-kpɛ̃ɛ.

²⁴Adoram tɩ n'ɩ a pɔ̃tɔrɩ tome nɩ-kpɛ̃ɛ. Ahiludɩ bidɛb, Yehosafatɩ, tɩ n'ɩ a nãà ƴɛ̀r-manɛ.

²⁵Sewa tɩ n'ɩ a sɛ-sɛbrɛ. Sadɔkɩ nɩ Abɩataar tɩ ɩ n bàwr-maalbɛ.

²⁶Yayiir bʋʋrɛ Ɩɩra mɩ̀ tɩ ɩ n a bàwr-maalɛ, tone a Daviir tome.