Read Dagara, Northern 2 Samɩɛl 9 Bible Online

2 Samɩɛl 9 - Dagara, Northern bible

2 Samɩɛl 9

¹Bibir kãw, a Daviir tɩ sowr'a: «Nɩr cãà na cɛ vʋʋrɛ a Sawul yir pʋɔ, ɩ̃ nãá ɩ nɔ̃wfʋ ɩb a ʋ zie a Zonatã zũú u?»

²Zɩ̃ k'aa Sawul yir tɩ tɛr'ɩ tõ-tõ-bie kãw, ʋ dɩ Sɩva. Bɛ tɩ bʋɔl'ʋ na wa n a Daviir zie, ʋ wa sowr'ʋ: «Fʋ̃ʋ n'ɩ a Sɩva a?» Ʋ sɔw: «Ʋ̃ʋ, mãa n'ʋ.»

³A nãà sowr'ʋ: «A Sawul nɩr bɛ cɛ, ɩ̃ nãá ɩ nɔ̃wfʋ ɩb na pɛlɩ Naaŋmɩn pʋɔ a, a ʋ zie ɩ?» A Sɩva tɩ sɔw nɩ a nãà: «A Zonatã bidɛb kãw cãà na, ɛ́ gbɛ̀r.»

⁴A nãà sowr'ʋ: «Nyɩnɛ n'a ʋ be?» A Sɩva sɔw: «Ʋ be n Amiyɛl bidɛb, Makɩɩr yir, Lodevaar.»

⁵A nãà Daviir tɩ tõ na bɛ tɩ tɛr ʋ, a Amiyɛl bidɛb Makɩɩr yir, a Lodevaar, wa n.

⁶A Zonatã bidɛb, Mefibosɛtɩ, na ɩ a Sawul yãw a, tɩ ta n a Daviir zie, gũu tɩ tɔ tẽw a Daviir niŋé. A Daviir tɩ sowr'ʋ na: «Fʋ̃ʋ sɩrɩ n'ɩ a Mefibosɛtɩ ɩ?» Ʋ sɔw: «Ʋ̃ʋ mãa n'ʋ!»

⁷A Daviir tɩ yel ʋ na: «Ta zɔrɛ dɛ̃bɩ̃ɛ ɩ, ɩ̃ bɔbr'a k'ɩ̃ɩ ɩ nɔ̃wfʋ ɩb a fʋ zie, a fʋ sãà Zonatã zũú. Ɩ̃ na lɛb'a kʋ̀ b a fʋ sãàkʋm Sawul tẽsɔwr za, ɛ́ a fʋ̃ʋ tɔr za a, mãa nɩ fʋ̃ʋ nɛbɛ na lãw dɩrɛ bibie za.»

⁸A Mefibosɛtɩ tɩ gũu na, ɛ́ yel: «Ãa nɛ m, fʋ sàw kaarɛ a ɩ̃ zie, mãa na ɩ bà-kũu a?»

⁹Ɛcɛ a nãà tɩ bʋɔl'ɩ a Sawul tõ-tõ-bie, Sɩva, wa yel ʋ: «Bom nɛ za a Sawul nɩ a ʋ yir za na tɩ so a, ɩ̃ kʋ̀rɛ a nɩ a fʋ zu-sob yãw.

¹⁰Fʋ̃ʋ nɩ a fʋ bidɛbr nɩ a fʋ tõ-tõ-biir na kʋɔr'a kʋ̀rɛ ʋ. Bom nɛ nyɩ na na mɩ́ páw a na ɩ n a ʋ yir nɩbɛ guolu ƴãw, ɛ́ a Mefibosɛtɩ ʋl a, mãa nɩ ʋl'a na lãw dɩrɛ bibie za.» A Sɩva na tɩ tɛr bidɛbr pie nɩ anũu nɩ tõ-tõ-biir lɩzɛr a,

¹¹tɩ yel'ɩ a nãà: «Bom nɛ za fʋ na yel kʋ̀ m a, ɩ̃ na ɩ ʋ na. Ɛcɛ mãa nɩ a Mefibosɛtɩ nɛbɛ lãw dɩrɛ, ʋ na ɩ a nãà Sawul yãw a zũú.»

¹²A Mefibosɛtɩ tɩ tɛr'ɩ bidɛb pɔ́l, a yúor dɩ kɛ́ Mɩka, ɛ́ a bɛlɩ dem za na tɩ kpɩɛr a Sɩva yir a tɩ tone nɩ a Mefibosɛtɩ.

¹³A Mefibosɛtɩ na tɩ gbɛ̀r a, tɩ cen na tɩ kpɩɛr a Zerizalɛm, k'ʋʋ tʋ̃ɔ́ mɩ́ cen bibir za ʋlɛ nɩ a nãà tɩ lãw dɩ.